သၟိၚ်မာရ်ပိတၠ ကၠတ်ပၞုက်လဝ်တသိုက်သတ်မၞိဟ်တံ − (ဗဟုသုတဗှ်ဝေၚ်)🧐🧐🧐

သၟိၚ်မာရ်ပိတၠ ကၠတ်ပၞုက်လဝ်တသိုက်သတ်မၞိဟ်တံ (ဗဟုသုတဗှ်ဝေၚ်) သၟိၚ်မာရ်ပိတၠဂှ် ကၠတ်ကေတ်ဏာတသိုက်မၞိဟ်တံတုဲ လဝါဲဂှ်သၟိၚ်မာရ်ပိတၠချပ်ရေၚ်သ္ကံသာ်ဝွံရ။ . သၟိၚ်မာရ်လၟေၚ်မွဲဂှ်ဟီုတဴဂှ် ... "တသိုက်မၞိဟ်တံဂှ် ပိုဲထေက်ကဵုဒးအာပၞုက်လဝ်ပ္ဍဲလ္တူက္ဍုဟ်ဒဵုသၠုၚ်အိုတ်တှ်ေခိုဟ်ဏောၚ်" . သၟိၚ်မာရ်လၟေၚ်ၜါဟီုတဴပၠန်ဂှ် ... "ယွံလေဝ်ရဲတံသၟိၚ်မာရ်သီုညးၜါ သတ်မၞိဟ်တံဏံဟီုဂှ် ဍေံတံဟွံဖေက်ဗွဲသၠုၚ်သၠုၚ်ပုဟ်၊ ဆဂး ဍေံတံဖေက်အိုတ်ဟီုဂှ်−ဖေက်ကျာယီုလေပ်ယီုတိတ်ဟွံမွဲရ၊ ဟိုတ်နူမၞိဟ်တံဂှ် ဗၠိုပ်ဍာ်ဂွံမွဲလစုတ်ဓဝ်ရဏောၚ် ယွီုဍေံအောန်ကွေံကွေံ၊ သာ်ဏံဟေၚ် ပိုဲဒးအာပၞုက်တသိုက်မၞိဟ်တံပ္ဍဲသၟဝ်ဍာ်တှ်ေ ခိုဟ်တဴရ၊ ယဝ်ပိုဲအာပၞုက်စွံပ္ဍဲလ္တူက္ဍုဟ်ဒဵုသၠုၚ်သၠုၚ်တေံမ္ဂးတှ်ေ ကျာလေဝ်လဗိုက်ခိုဟ် ဂံက်လေဝ်ဂံက်ဘဲတုဲ မၞိဟ်တံဂှ် ဍေံတံဒးစိုတ်ဂွါန်အာဝေၚ်လ္တူက္ဍဟ်ဒဵုလဵုသၠုၚ်တေံကွေံကွေံဏောၚ်၊ သၟဝ်ဍာ်ဟေၚ် ခိုဟ်အိုတ်ရရဲတအ်။ . သၟိၚ်မာရ်လၟေၚ်ပိဆက်ဟီုအကြာသၟိၚ်မာရ်ၜါပၠန်ဂှ်တှ်ေ ... "လ္ပချပ်သာ်ဂှ်တွဵုညိရဲတံယျေ- သတ်မၞိဟ်တံဏံဝွံ ဍေံတံစောံသကီုကွေံကွေံတုဲ ကပေါတ်စက်သွက်ဂွံဗၠိုပ်ဍာ်လေဝ် ဍေံတံကၠောန်မာန်ကေတ်လောဲလောဲသွာသွာဟေၚ် ဗွဲတၟေၚ် ဍေံတံဗၠိုပ်ဂၠာဲကေတ်မာန်သၟဝ်ဍာ်တေံလောဲလောဲပၠန်ရ−လ္ပအာပၞုက်စွံသၟဝ်ဍာ်တေံညိ၊ ယဝ်ပိုဲလ္ၚတ်ရံၚ်သတ်မၞိဟ်တံဏံဂှ်မ္ဂး ဂွံဆဵုကေတ်အရီုမသုန်နွံမံၚ်ပ္ဍဲသတ်မၞိဟ်တံဂှ်မူရောတှ်ေ .....

အရီု(မတ်) သတ်မၞိဟ်တံဂှ် ကေက်ကၠးလောန်တုဲ ရံၚ်အာဂတဂတတေံ။ အရီု(ကတောဝ်) သတ်မၞိဟ်တံဂှ်ပၠန် ဒးစိုတ်ကလၚ်ရမ်သာၚ်တုဲ စောဲစပ်စရမ်သာၚ်လောဲကွေံကွေံ။ အရီု(မုဟ်) သတ်မၞိဟ်တံဂှ်ပၠန်လေဝ် ဒးစိုတ်စမ်ၜတ်ဆုၚ်ကျာစောန်နူပှ်က္ၜိုၚ်ဏီ၊ အရီု(လတာ်) သတ်မၞိဟ်တံဏံလေဝ် ရှ်ဖၞုၚ်ဇြိုၚ်သာက္တၚ်ဖျးရိၚ်တံဂှ်လေဝ် ဍေံတီကေတ်မာန်လောဲလောဲတုဲ ဍေံတံစောဲစပ်အာရှ်သာတံဏံမာန်။ အရီု(ခန္ဓ) ပွမစုက်လုက်မၞိဟ်တံဏံဂှ်လေဝ် ဍေံတံဒးစိုတ်စုက်လုက်ထ္ဍိမြိဒးကီု သီုဍေံတံတိတ်အာဝေၚ်ဒၞာဲစုၚ်စုၚ်ဇဳဇဳပၠန်၊ ဟိုတ်ဂှ်ရ− တသိုက်ဇေတ်ဇေတ်ပိုဲကၠတ်နၚ်နူသတ်မၞိဟ်တံဏံဝွံ ထေက်ကဵုဒးကၠတ်ပၞုက်စွံလဝ်ပ္ဍဲ(စိုတ်)သတ်မၞိဟ်တံဂှ်ပၠန်တှ်ေခိုဟ်ဂၠိုၚ်ရ၊ ယဝ်သာ်ဏံမ္ဂး သတ်မၞိဟ်တံဏံဂှ် ဗီုနဲကဲလဵုလေဝ် ဍေံတံဂၠာဲဟွံဆဵုလောဲလောဲတုဲ ဟိုတ်နူသတ်မၞိဟ်ဏံဗွဲမဂၠိုၚ်ဂှ်တှ်ေ ဍေံတံညာတ်ဒုဟ်ညးတၞဟ်ဂၠိုၚ်နူဒုဟ်ဇကုဏီကီု သီုကဵုဟွံဒးစိုတ်လပါ်မၞိဟ်ဟွံထိုၚ်သးဇကု၊ ဟိုတ်သာ်ဏံဟေၚ် သတ်မၞိဟ်တံဂှ် ဍေံတံရံၚ်(စိုတ်)ဍေံရဂှ်ဟွံဆဵုလောဲလောဲ။ . သၟိၚ်မာရ်သီုပိတၠလေဝ် ဂွံကသပ်လဒေါဝ်ညးသ္ကံတုဲ တသိုက်မၞိဟ်ဂှ် အာဒက်ပၞုက်စွံလဝ်ပ္ဍဲ(စိုတ်)မၞိဟ်တံဂှ်ပၠန်ရ၊ ဟိုတ်ဒှ်သာ်ဝွံတုဲ သတ်မၞိဟ်ဂၠုဓီုၜီုတံလေဝ် ဗက်ဂြိပ်ကညာၚ်ကရေဲဂၠာဲတသိုက်တိတ်အာသ္ၚောဲသ္ၚောဲ ကၠောံၜဳၜိၚ်ကြုၚ်ကောံအာတုဲ ဂၠာဲတသိုက်အိုတ်ဂှ် သာ်လဵုလေဝ် တ္ၚဲဂွံဆဵုတသိုက်ဟွံမွဲလးလး၊ လဆောဝ်တှ်ေ ထေၚ်ဂးဆဵုတသိုက်ရဟီုဂွံကီုလေဝ် ခြာဟွံလအ်ဂှ် ဒှ်အာသုည တသိုက်ဇေတ်ဇေတ်ဟွံသေၚ်ပၠန်ရ။ . သတ်မၞိဟ်တံနွံအောန်လောန်ဂွံဂဗဆဵုကေတ်တသိုက်ဇေတ်ဇေတ်သွက်ဘဝဏံတုဲ ဇေတ်ဇေတ်ဂှ်တှ်ေ ဍေံနွံဒၟံၚ်ပ္ဍဲ(စိုတ်)သတ်ပိုဲမၞိဟ်ဏံဟေၚ်ရ၊ ယဝ်ဒှ်သာ်ဏံတှ်ေ မူပပိုဲသတ်မၞိဟ်တံ ဒးပြိုၚ်ပ္ကာန်ဂြိပ်ဂၠာဲအာပေၚ်ပြးဂှ်ရော၊ ယဝ်စိုတ်ပိုဲဏံကတူကတာန်ဟွံညိၚ်ဝတ်ဏောၚ်တှ်ေ တ္ၚဲလဵုလေဝ်ဂၠာဲတသိုက်ဇေတ်ဇေတ်သွက်ဘဝဂွံဆဵုဟွံလောဲ။ . ပြိုၚ်လောဲ မုဂွံ။ ပြိုၚ်ပိုန်ဂြပ်ဂၠိုၚ် မုဂွံ။ ပြိုၚ်သိုၚ်သ္ၚိ မုဂွံ။ ပြိုၚ်ရာန်ကွဳစက်ကာ မုဂွံ။ ပြိုၚ်ဘာ မုဂွံ။ ပြိုၚ်ဒါယကာ မုဂွံ။ ပြိုၚ်ပုရိသာတ် မုဂွံ။ ပြိုၚ်တုဲယဝ်တီဂွံတသိုက်ထေၚ်ကေတ်မ္ဂး ဆက်ပြိုၚ်အာညိ ညးမွဲဟွံပဒေါအ် . လ္ပခယျအာယုက်သတ်မၞိဟ်ဂွံမံၚ်ၜါပိကၠံသၞာံညိ၊ အခိၚ်တိက်လေဝ်ဂွံတိက်ပ္ဍဲသ္ၚိတ္ၚဲဗြဲဟွံဒး, စၞစနွံ, ပရေၚ်ထတ်ယုက်ခိုဟ်, ဂဥုဲသဗ္ဗနွံ, ဂတှ်ညးဟွံဒး၊ သွက်ဘဝၜိုတ်ဏံတှ်ေတုဲဒှ်မံၚ်ရဏောၚ်၊ ၜိုတ်ဏံရဓဝ်ဂှ် မုပသတ်မၞိဟ်တံဂၠာဲဟွံဆဵုအိုတ်ဏီရော၊ ဟိုတ်ဂှ်ရ− ဇၟာပ်ညးအဲ တသိုက်ဇေတ်ဇေတ်သွက်ဘဝသတ်မၞိဟ်ဏံဂှ် နွံမံၚ်ပ္ဍဲစိုတ်ပိုဲဏံရတုဲ ရံၚ်စိုတ်ကဵုလုပ်ရံၚ်ကဵုကၠးကၠးမ္ဂး ပွဳပွူသီုဖအိုတ်တ္ၚဲဏံပိုဲမဆဵုဒှ်မံၚ်ဂှ် နပြယာဲဖအိုတ်ရ၊ ယဝ်တီကၠိုဟ်တုဲ ပရဲဘဝပစ္စုပ္ပန်ဏံဂွံကၠုၚ်ဒှ်သတ်မၞိဟ်ဂှ် ဂွံဏာပရဲဇၞော်ကဵုဒြဟတ် သီုဂွံဏာလာပ်ဗဇဴသွက်ဘဝဒုတ်ဒုတ်ယျဏောၚ်။ - သရောပ်ထောံဂှ်တှ်ေ မချူလဝ်သီုဖအိုတ် စဵုကဵုအိုတ်ကၠေံနိဂီုသီုပိုဒ်ပၞောန်ဏံကီုဂှ် ဂွံတုပ်လညာတ်သတ်မၞိဟ်ဖအိုတ်ဂှ်သာ်လဵုလေဝ်ဟွံဒှ်တုဲ ဒၞာဲပဵုဂှ်နုက်ဒၞာဲယအ်ဂှ်ဗပေၚ်အာအိုတ်ညိ၊ အုပ်နိဂီု တၚ်ဂုန်ရအဴ။ −−−−−−−−−− play stoe−https://play.google.com/store/apps/details... မွဲနဲပၠန်ဂှ်တှ်ေ

apk သွက်ဖုၚ် Android တံတှ်ေ တံၚ်ပတိုန်စုတ်ပ္ဍဲဖုၚ်ညိ။ https://app.box.com/file/971542165210... − သွက် ios - Windows - iPad - iphone - tablet တၞဟ်တၞဟ်တအ်ဂှ်တှ်ေ လုပ်ပံက်ကေတ်တိုက်ရိုက် Application website ဏံညိ။ https://sites.google.com/.../13jk9kcdHxIoapwyHPotX0I.../edit