ရှ်ေသှ်ေရဴဴဂဴ ပူဇဴကဵုဒါန်ပြဲအိုတ်ဂှ် မိမၜါနွံမံၚ်ပ္ဍဲသ္ၚိပိုဲဏံဟေၚ်
ပ္ဍဲအခိၚ်ပိုဲဏံဒှ်တသိုက်တှ်ေ .... ပိုဲဏံဗှ်သၞာလပါ်ဗြဴ ပ္ဍဲအခိၚ်ပိုဲနွံကဵုစၞစအမာဲခိုဟ်ခိုဟ်လေဝ် ..... ပိုဲဏံဗှ်သၞာသ္ကံရဲပိုဲ ပ္ဍဲအခိၚ်ပိုဲဏံမိက်သ္ဂောံအာဝေၚ်ဏောၚ်ဂှ်ပၠန် ..... ပိုဲဏံဗှ်သၞာဂကောံအိန်ထံၚ်ပိုဲ။
လဆောဝ်တှ်ေ ပိုဲဏံဝိုတ်ထောံမွဲဟီုဂှ်တှ်ေ "ညးလဵုမွဲမၚ်မွဲဗဂဵုလဟဵုလဝ်ပိုဲဏံ၊ ဝေတ်ဗတောန်လဝ်ပိုဲဏံ၊ လက်ဗျိဒေါန်ကၠုၚ်လဝ်ပိုဲဏံတုဲ ဒှ်သွက်ပိုဲကောန်တံလေဝ် ဂွံဆက်ပြိုၚ်အာဘဝစဵုကဵုတ္ၚဲဏံမာန်။
မိမၜါလေဝ် ဇရာဗျုထဴ မတ်ၜါသပါကၠုၚ်ဣယျ၊ စးကုန်ဒြဟတ်ဆုတ်စှ်ေကၠုၚ်သိုက်သိုက်ဣယျ၊ ဖျးက္တၚ်ပ္ဍုၚ်ရိၚ် ဗျဟ်ပျတ်လေဝ် ပ္ဍဲကအ်ညးတံ လီုကၠုၚ်သိုက်သိုက်ဣယျ၊ အိက်ဏမ်လေဝ်ဟွံတီ ကလေၚ်ဒှ်ကောန်ၚာ်မွဲဝါပၠန်ယျ၊ ဟိုတ်ဒှ်သာ်ဝွံတုဲ ညးလဵုမွဲ ယဝ်ခါရမိမၜါသှ်ေသၟေဟ်နွံမံၚ်ဏီမ္ဂးတှ်ေ ဘဝညးတံအိုတ်ကၞောတ်ဘဝဂှ် လ္ပကဵုညးတအ်ဒးဒှ်ဒဒိုက်သံယောဇိုန်ဝေဒနာတံဏံတွဵုညိ။
ကောန်ဇာတ်နွံဂၠိုၚ်ကီုလေဝ် ညးမွဲမှဟွံဂံၚ်ကေတ်တာလျိုၚ် ဒးလွဳပရာမိမၜါဂှ်လေဝ် လ္ပကဵုဒှ်ညိ။
မိမၜါဟီုဂှ် တုပ်ညံၚ်ကျာ်နွံပ္ဍဲသ္ၚိမွဲကီုတုဲ အရာထေက်ဒးကဵုဒါန်ရှ်ေသှ်ေပူဇဴကလအ်ဒၟံၚ်အရိုဟ်တ္ၚဲဂှ် မိမၜါဏံဟေၚ်ဂှ် ဒှ်ပြဲအိုတ်ရပ္ဍဲဘဝမၞိဟ်၊ ကောန်ဗုဒ္ဓဘာသာတအ် သမ္တီလ္ပဝိုတ်ထောံအိုတ်ညိ။
ကောန်ကၠဵု−အခေါၚ်ဟွံမွဲ သ္ဂောံကလေၚ်ရော်ဂုန်လ္တူမိမၜါ ကောန်မၞိဟ်−အခေါၚ်နွံတုဲ ကလေၚ်ရော်ဂုန်လ္တူမိမၜါဂွံပေၚ်ပေၚ်မာန်။
ကောန်ခိုဟ်ဟီုဂှ် ဟွံကၠောန်ဗဒှ်ကဵုမိမၜါဒှ်ဒဒိုက်စိုတ်၊ မုကၠောန်ကၠောန်လေဝ် ဟိုတ်နူဗှ်သၞာဂွံလပါ်မိမၜါတုဲ ဂွိၚ်ဖေက်မိမၜါဒှ်ဒဒိုက်စိုတ်ဂှ်ဟေၚ်ရ− လပါ်ဟွံခိုဟ်ပရေအ်ပရေအ်တံဂှ် ဟွံဂံၚ်ကၠောန်ရ။
ကောန်ကၠဵုဟွံကေၚ်ကိတ်မိမ ကောန်မၞိဟ်ကလေၚ်ကိတ်မိမၜါဂှ်လေဝ် နွံတဴဗဝ်သအဝ်၊ ဟိုတ်ဂှ်ရ− ဆာန်မိမၜါညိ၊ လွဳပရာမိမၜါအဃောအခိၚ်သှ်ေနွံမံၚ်ဂှ်အိုတ်ညိ၊ ရှ်ေသှ်ေရဴဂဴ ပူဇဴကၠောန်ပ္တုဲဒါန်လ္တူမိမၜါဂှ် ဒှ်ပရဲဘဝ ကုသဵုဇၞော်အိုတ်ရ။ − #တိုက်ဗှ်လိက်ဝိညာဏ်ထဝ်
ဗီုရုပ် တံၚ်ကေတ်လဝ်နူလ္တူလပှ်ကျာ
Comments