ပုံအာဂီု (မိက်သ္ဂောံပဝ်မ္ဂး ပါဲတိတ်ထောံနူဂကောံစာၚ်ညိ)

နွံမွဲတ္ၚဲ ကောန်ဂစေံအ

သီမွဲ ဒတုံစှ်ေနူလ္တူတၞံဆုတုဲ စာၚ်ၝောံမွဲ ညးတေံလွဳပရာလဝ်မွဲကရောံ ပ္ဍဲကောန်ညးတေံတုပ်တုပ်မွဲစွံရ။

ဟွံလအ် ကောန်ဂစေံအသီဂှ်လေဝ် ဇၞော်တိုန်ဂျိုၚ်အာ အကြာကောန်စာၚ်တအ်ဂှ်မွဲစွံတုဲ ပွမခရးဂၠာဲစစၞလေဝ် ဗီုကောန်စာၚ်တအ်ခရးဂၠာဲစဂှ် ကောန်ဂစေံအသီဂှ်လေဝ် ဗက်ဂၠာဲခရးအာတုပ်တုပ်ရ။

နွံမွဲတ္ၚဲ လ္တူအာကာသတေံ ဂစေံအသီပဝ်ပၠးယာန်ဝေၚ်ဒၟံၚ်ကျာ ကောန်ဂစေံအသီဂှ်မဆဵုကေတ်တုဲ သၟာန်တဴယာဲစာၚ်ညးတေံရ၊ ယွံမိ---လ္တူအာကာသတေံဂှ် မုဂစေံရော? အဵု - မပဝ်ဒၟံၚ်လ္တူအာကာသေတေံဂှ် မဒှ်ဂစေံအသီရကောန်၊ ဟဂှ်တှ်ေ ပိုဲစာၚ်ဏအ် ပဝ်ဗီုဂစေံအသီဟွံဂွံဟာမိယာဲ? အဵုကောန် ပဝ်ဂှ်လ္ပဟီုဏီရ−ပိုဲစာၚ်တအ် ပဝ်ဂွံၜက်တိုၚ်ဒပ်ကၠအ်ဏအ်ဂှ် အိက်ကြပ်ပြးမံၚ်ဏီကောန်၊ သွက်ဂွံပဝ်ယာန်လ္တူအာကာသတေံမာန်ဂှ် လ္ပချပ်လ္ပဖအိုတ်အခိၚ်ရကောန်။

နူစဂှ်တုဲ ကောန်အသီဂှ် ၜိုန်ရညးတေံဒှ်ဒၟံၚ်ဂစေံအသီရဂှ် မုရောညးတေံဟွံတီတုဲ ဟိုတ်နူမ္ဒးလွဳပရာလဝ်နူပွဳပွူစာၚ်ဂှ်လအ်လကဵုသၞာံတုဲ သွက်ဂွံပဝ်အာလ္တူကာသတေံဂှ် ညးတေံဟွံဂံၚ်ချပ်ဟဂှ်ရ၊ အုပ်နိဂီု။ − (ပုံအာဂီုဏအ်ဝွံ ကဵုအဓိပ္ပါယ်ကဵုပိုဲကောန်ဂကူတအ် ခိုဟ်မွဲဟီုဂှ်တှ်ေ---ပွဳပွူဂှ် ဒှ်အဓိကသွက်ဘဝမွဲတုဲ ယဝ်မိက်ဂွံပြံၚ်သၠာဲ ဗီုတိုၚ်ပ္ကဴဇကုနွံဏောၚ်တှ်ေ ထေက်ကဵုဒးတိတ်အာ နူပွဳပွူတ္ၚဲဏအ် အရာဟွံမွဲကဵုအနာဂတ်တအ်ဂှ် အခိၚ်စိုပ်ယျ)။ #တိုက်ဗှ်လိက်ဝိညာဏ်ထဝ်