ပုံအာဂီု (ကဝပိ) နွံကဝပိဍောတ်လဒေါဝ်ဇၞော်ဂှ် မံၚ်ဒၟံၚ်မွဲတၞံဆုဂှ်အိုတ်ရ၊ ကဝပိ ဟိုတ်နူညဳသာသၟဟ်သၟန်ညးသ္ကံတုဲ ပါ်လဝ်အလန်ညးကဵုညး သွက်အာဂၠာ
ဲဇြောတ်ဆီဖျဴနၚ်တုဲ ဂွံပါ်ပရအ်ညးသ္ကံတုပ်တုပ်ရ။
နွံမွဲဗ္တံဂှ် ဒးအလန်ကဝဍောတ် ဒးတိတ်အာဂၠာဲဇြောတ်ဆီသတ်တိရစ္ဆာန်တုဲ ဟွံလအ် ကဝဍောတ်ဂှ်စဴကၠုၚ်မုလေဝ်ဟွံဂွံဆီကီုရ။
ဓဝါဲဂှ် ကဝဗၠာဲကဝလဒေါဝ်ဂှ် ဟီုတဴရ၊ "ဗှ်ေဍောတ်သွတ်မံၚ်ဏီ ပရေၚ်ဆဵုဂဗဗှ်ေအောန်တဴလောန်ဂှ် ဗှ်ေဂၠာဲဇြောတ်ဆီဟွံဂွံရ"၊ လ္ပဂွိၚ် အဲအာဂၠာဲဇြောတ်ဆီဏောၚ် ကဝလဒေါဝ်ဗၠာဲဂှ်ဟီုတုဲ ပဝ်တိတ်အာဂၠာဲဇြောတ်ဆီဗွဲမပြဟ်ပၠန်ရ။
ခြာဟွံလအ် ကဝလဒေါဝ်ဗၠာဲဂှ် ပဝ်စဴကၠုၚ်မုရောဟွံဂွံနၚ်ဆီပၠန်ရ၊ ဓဝါဲဂှ် ကဝဗၠာဲဂှ် ဟီုကဵုကဝဇၞော်ရဴသာ်ဝွံရ၊ "ယွံအ္စာပိုဲ ယဝ်အာစာပိုဲအာဂၠာဲဇြောတ်ဆီသတ်တိရစ္ဆာန်မ္ဂးတှ်ေ ဒးဂွံနၚ်ဗွဲမပြဟ်ဟေၚ်ရ၊ ဟိုတ်နူအာစာဂှ် ဒှ်ညးမၞုံကဵုပရေၚ်ဆဵုဂဗဂၠိုၚ် ဒှ်ညးမၞုံကဵုဝှ်ဗျုကြံၚ်မ္ၚိုဟ်လောန်တုဲ ထေက်ကဵုအာဂၠာဲဇြောတ်ဆီတှ်ေ ခိုဟ်ဂၠိုၚ်လောန်ရ"။
အဵု ဟီုဟဂှ်တှ်ေ ၝတအ်ညးၜါမုလ္ပဂွိၚ် အဲအ္စာဏအ်တိတ်အာဂၠာဲဇြောတ်ဆီသတ်တိရစ္ဆာန်တုဲ ဂွံဖျဴနၚ်ဆီမ္ဂး ပိုဲညးပိဂွံပါ်ပရအ်ညးသ္ကံညဳညဳမာန်၊ ဓဝါဲဂှ် ကဝဇၞော်ဗျုဂှ် ပၠးသၞေၚ်ပဝ်ယာန်စှ်ေနူတၞံဆုမမံၚ်ဂှ်တုဲ ဂွံမွဲလစုတ်ဟေၚ် ရမ်သာၚ်ဗြုတိုန်ထတ်ထတ် 'ဒေါမ်' ရ၊ ဂွံမွဲချိန်ခဏ ကဝဇၞော်ဗျုဂှ် ပဝ်စဴလုပ်ကၠုၚ်တၞံဆုသီုဆီပေၚ်မွဲပါၚ်တုဲ ကဝၜါဂှ်မိပ်စိုတ်ထိုၚ်သးကဝဇၞော်မဒှ်အာစာဇကုဂှ်ရ။
ပး -- အာစာဂၠာဲဇြောတ်ဆီ ဂွံပြဟ်ကွေံဏောၚ်သွံ၊ မွဲပါၚ်အာစာဂှ် ဆီပေၚ်ထာတ်သက်ဟီုဟွံမွဲရ၊ အဃောဂှ် ကဝဇၞော်မဒှ်အာစာ သၟာန်ကဝၜါရဴသာ်ဝွံရ၊ "ၝတအ်ညးၜါ တေတေံဆဵုမံၚ်ဟာတၞံဆုဇၞော်နွံမွဲတၞံ" "ယွံအာစာ ပိုဲညးၜါဆဵုမံၚ်ရလေဝ်" ၜိုန်ၝတံဆဵု ဆဂး အဲဟွံဆဵု အိုဲ---ၚေက်အဲပြဟ်မူစိတၞုၚ်ဟွံတီရ-ဂိကွေံကွေံ၊ ကဝအာစာဗျုဂှ် ကရောတ်ယာံတဴသာသာ သီုဂိသီုဂွ။ ။ အုပ်နိဂီု ပုံအာဂီုဏံဝွံ ဗတောန်ဟီုလဴကဵုပိုဲကောန်ဂကူတအ်ခိုဟ်မွဲဟီုဂှ်တှ်ေ "ယဝ်မိပ်လဟိၚ်ဂၠုဓီုမံၚ်ကဵုဝှ်ဗျုဝှ်ကြံၚ်သၟးတှ်ေ လဆောဝ်လေဝ် ဒှ်ကၠုၚ်ပေါဲဇာတ်ကၞုဲ အယာံမာတ်ဆကဵုညးဍုၚ်ကွာန်တအ်ဗဵုဂြိုၚ်ဝေၚ်ဓဝ်ရ။" #တိုက်ဗှ်လိက်ဝိညာဏ်ထဝ်
Comments