အနာဲမွဲဂှ် ကောန်ဗၠာဲညးတေံ ဒှ်မၞိဟ်ထေဲလောဲထေဲပြဟ် ဒေါသလေဝ်သကာတ်မြဟ်ကွေံကွေံတုဲ၊ အနာဲဂှ်လေဝ် ဗီုနဲလဵုသ္ဂောံသ္ပ ညံၚ်ကောန်ဗၠာဲညးတေံ စိုတ်ဒေါသသ္ဂောံအိုတ်အောန်စှ်ေအာဂှ်ရော?
လောန်ၜက်အာဟွံလအ် အနာ
ဲဂှ် ညးတေံကသပ်တိတ်မွဲတုဲ ကော်ကောန်ဗၠာဲညးတေံပြဟ် ဟီုလဴတဴသာ်ဝွံရ၊ "ယွံလေဝ်ကောန်ဗၠာဲ အခိၚ်ကောန်ဗၠာဲထေဲ ဒှ်ဒေါသမွဲမွဲမ္ဂးတှ်ေ ဣဏံပသဲအပါရာန်နၚ်မွဲထိုၚ်ဒုတ်ဏံဝွံ ဇၟာပ်ဇၟာပ်ထေဲ ဒှ်ဒေါသတှ်ေ တက်စုတ်ပ
သဲ
မွဲတၞုၚ်ပ္ဍဲပါၚ်တြၚ်သ္ၚိညိဏး" ။
ၜက်အာၜိုတ်မွဲအာဒိုတ်ဟေၚ် အဗၠာဲဂှ် ဇၟာပ်ဇၟာပ်ညးတေံဒှ်ဒေါသ ထေဲတိုန်တှ်ေ တက်စုတ်ပသဲပ္ဍဲပါၚ်တြၚ်သ္ၚိဂှ်ရ၊ လၟေၚ်လၟေၚ်ဆက်အာတုဲ လအ်အ
ာတှ်ေ ညးတေံလၞုဟ်တက်စုတ်ပသဲပ္ဍဲပါၚ်တြၚ်သ္ၚိဂှ်တုဲ စိုတ်ညးတေံလေဝ်ယအ်ကၠုၚ်သိုက်သိုက် ဒေါသာသကာတ်မြဟ်ညးတေံလေဝ် အောန်ကၠုၚ်ဂွံတိုန်သတိတုဲ ဂြိပ်အာကဵုအပါညးတေံ ဟီုတဴသာ်ဝွံရ၊ "ယွံအပါ ဒေါသအဲ ပွမထေဲပြဟ်အဲဂှ် အိုတ်အောန်အာယျဏောၚ်အပါ၊ −−− သာ်ဂှ်တှ်ေ ခိုဟ်ရလေဝ်ကောန်။
ဓဝါဲဂှ်ဟေၚ် အနာဲဂှ်ဟီုကဵုကောန်ညးတေံပၠန်ရ၊ ယဝ်ဂွံတီကောန်စိုတ်ဟွံသကာတ်မြဟ်ရ− ဒေါသဟွံမြက်ရဏောၚ်တှ်ေ ဒးထ္ၜးကဵုသက်သဳမွဲမွဲ ကဵုအပါဆဵုတှ်ေ ခိုဟ်ဏောၚ်ကောန်ဗၠာဲ။
ယွံကောန်ဗၠာဲ−−ပ္ဍဲအခိၚ်ကောန်ဗၠာဲတီ ဒဒှ်ရစိုတ်ဟွံသကာတ်မြဟ် ဒဒှ်ရဒေါသဟွံမြက်ဏောၚ်မ္ဂးတှ်ေ ပသဲပ္ဍဲပါၚ်တြၚ်သ္ၚိ ကောန်ဗၠာဲတက်စုတ်လဝ်တံဂှ် ၜေါတ်ပတိတ်ထောံ မွဲအလန်မွဲတၞုၚ်ညိ၊ −− ဟွံလအ် အဗၠာဲဂှ် လၟေၚ်လၟေၚ်တ္ၚဲဟေၚ် အတိုၚ်ဒေါသဟွံတိက်မြက်ပြဟ်ဂှ် စၟတ်သမ္တီ ၜေါတ်ပတိတ်ကေတ်ပသဲပ္ဍဲပါၚ်တြၚ်ဂှ် မွဲအလန်မွဲတၞုၚ်လၟေၚ်လၟေၚ်တုဲ ဟွံလအ်ဟေၚ် ပသဲပ္ဍဲပါၚ်တြၚ်ဂှ် အိုတ်အးအာ သှ်ေဆပၞေတ်သရပသဲဂှ်ကီုရ။
အဗၠာဲဂှ် မိပ်စိုတ်ဗွဲမလောန်တုဲ လဴတဴကဵုအပါညးတေံရ၊ "ယွံအပါ−ဇၟာပ်အဲဂွံသတိ ဒေါသဟွံတိတ်ပြဟ် စိုတ်ဟွံသကာတ်မြဟ်မ္ဂး လၟေၚ်လၟေၚ်ဟေၚ် ပ
သဲပ္ဍဲပါၚ်တြၚ်ဂှ် ၜေါတ်အိုတ်အာကီုရလေဝ်အပါ" အဵု−သာ်ဂှ်တှ်ေ ခိုဟ်ရလေဝ်ကောန်ဗၠာဲ။
ဓဝါဲဂှ် ညးတေံကော်နၚ်ကောန်ဗၠာဲညးတေံ ကၠုၚ်ကဵုဂ္ဇံကြပ်ကြပ်တုဲ ဟီုဝေတ်ဗတောန်တဴသာ်ဝွံရ၊ "ယွံလေဝ်ကောန်ဗၠာဲ---ဒေါသကေုာံစိုတ်ပွမသကာတ်မြဟ်ထေဲပြဟ်ပိုဲမၞိဟ်ဏံဂှ် တုပ်တဴညံၚ်ရဴတက်စုတ်ပသဲပ္ဍဲပါၚ်တြၚ်သ္ၚိဂှ်ကီုရ၊ ဆဂး--တ္ၚဲဏံ ၜိုန်ရပိုဲဏံ တီခိုဟ်ပရေံဗၠေတ်ဒး ဒုၚ်ဂုန်အာတ်အခေါၚ် ကလအ်ထောံလ္တူညးဂမၠိုၚ်တုဲအာကီုလေဝ်ဂှ် တုပ်သၟဟ်ညံၚ်ရဴ ပိုဲထိုက်ကယျာၜေါတ်ပတိတ်ပသဲနူပါၚ်တြၚ်သ္ၚိအိုတ်အာကီုတုပ်တုပ်ရ၊ ဆဂး ယဝ်ဗဵုကျောဝ်ရံၚ်အာပါၚ်တြၚ်သ္ၚိဂှ်တှ်ေ ပၞေတ်သရတက်စုတ်လဝ်ပသဲ သီုထိုက်ကယျာၜေါတ်ပတိတ်ထောံပသဲတုဲ ပါၚ်တြၚ်သ္ၚိဂှ် ရံၚ်စကျေဝ်ဂေါဝ်သောၚ်မံၚ်မတ်ဏီဟာ? ဟိုတ်ဒှ်သာ်ဂှ်ဟေၚ် အဃောပိုဲဏံထေဲဂှ် စိုတ်ပြဟ်ဒေါသလုတ်အာညံၚ်ကျာတုဲ အာဇီုကပိုက်ဒးစိုတ်ညးဂမၠိုၚ် ဒှ်အာသရလွဳဗၠးဟွံမွဲ တုပ်တဴညံၚ်ရဴပါၚ်တြၚ်သ္ၚိဏံကီုရဏောၚ်ကောန်ဗၠာဲ"၊ ဟိုတ်ဂှ်ရ− စိုတ်မွဲဟေၚ်ဒှ်အဓိကတုဲ ညံၚ်စိုတ်ဂွံညိၚ်ဝတ် လ္ပကဵုဒှ်စိုတ်ကျာသွဝ်အာသွဝ်ကၠုၚ်ဂှ် ပခိုၚ်လဝ်ဇၟာပ်စက္က ဇၟာပ်ကျာယီုလုပ်ယီုတိတ်တွဵုညိဏးကောန်ဗၠာဲ၊ ယွံယွံ တၚ်ဂုန်ရအပါ။ ။ (အုပ်နိဂီု) ဗဟုသုတဏံဝွံ ကဵုအဓိပ္ပါဲကဵုပိုဲကောန်ဂကူတံခိုဟ်မွဲဟီုဂှ်တှ်ေ "စိုတ်" ဒှ်နာဲပိုဲရ၊ ယဝ်မာန်စိုတ်ဟေၚ် အာရီုဒေါသပွမထေဲပြဟ်တံဂှ် သာ်လဵုလေဝ် ဍေံထ္ၜးကၠုၚ်ရုပ်ရဴ ဗစိုပ်ဒဒိုက်ကဵုခန္ဓပိုဲဏံဟွံမာန်ပုဟ်၊ ဟိုတ်ဂှ်ရ− "စိုတ်ဒှ်နာဲ ခန္ဓဒှ်ဍိက်" သတိမွဲလ္ပဗၠးအာတွဵုညိ။ − #တိုက်ဗှ်လိက်ဝိညာဏ်ထဝ်
Comments