နဲအပါဗတောန်ကောန်ဝုတ်

(ဗဟုသုတဗှ်ဝေၚ်)

နဲအပါဗတောန်ကောန်ဝုတ် (ဗဟုသုတဗှ်ဝေၚ်) ---------------------------------------------------- အပါဟီု --- ကောန်ဝုတ်မိက်ဂွံတီမံၚ်ဟာ ပ္ဍဲကေမ်တဲအပါဏံ မုနွံမံၚ်ရော? လဝါဲဂှ် ကောန်ဝုတ်ဓညိက်က္ဍိုက်ရ။

အပါဟီု --- ယဝ်ကောန်ဝုတ်မိက်ဂွံတီတှ်ေ ဃံက်ဂတဵုပိလတုန်ညိ၊ ကောန်ဝုတ်ဂှ်လေဝ်ကၠောန်ဗက်ရ။

အပါဟီု --- ဟွံတုဲဏီပုဟ် ဆက်ဃံက်မသုန်လတုန်ပၠန်ညိ၊ နူမသုန်လတုန် ဒှ်အာစှ်လတုန် နူစှ်လတုန်ဂှ် ဒှ်အာစှ်မသုန်လတုန်တုဲ ကောန်ဝုတ်လေဝ် ကၠောန်ဗက်ဗီုအပါစကာကဵုကၠောန်ဂှ်-ဟိုတ်နူမိက်ဂွံတီပ္ဍဲကေမ်တဲအပါမုနွံမံၚ်ရော? ကောန်ဝုတ်ဃံက်ဂတဵုပေၚ်စှ်မသုန်လတုန်တုဲဗက်ဂှ် အပါပၠးဂတာတဲ ဂွံဆဵုကေတ်နွံဆမသြန်မသုန်ဒ္ကေဝ်ကီုရ။

လဝါဲဂှ်အပါကလေၚ်ဟီုကဵုကောန်ဝုတ်ပၠန်ရ၊ ကောန်ဝုတ်မိက်ဂွံတီပ္ဍဲကေမ်တဲအပါဏံမုနွံရောတှ်ေ ဃံက်ဂတဵုစှ်လတုန်ပၠန်ညိ။

ကောန်ဟီု --- ကောန်ဝုတ်တီတုဲယျ ဟွံမိက်တီရပုဟ်။

အပါဟီု --- ဟဂှ်တှ်ေ ဃံက်ဂတဵုမွဲလတုန်တှ်ေ အပါပၠးကဵုဗဵုရ။

ကောန်ဟီု --- မုလေဝ်ဟွံမွဲပုဟ်၊ ကောန်ဝုတ်ဟွံမိက်တီရအပါ မၠိအာယျ။

အပါဟီုပၠန် --- လ္ပဃံက်လေဝ်ဂွံ အပါပၠးကဵုဗဵုမးမး၊ လဝါဲဂှ်အပါပၠးတဲမကေမ်လဝ်တုဲ ကောန်ဝုတ်လေဝ်ဟွံဗဵုဟွံရံၚ်ရ၊ ခဏဂှ်ဟေၚ် အပါဂွံအခေါၚ်ဗတောန်တဴကောန်ဝုတ်ညးတေံသာ်ဝွံရ။

"ယွံလေဝ်ကောန်ဝုတ်အပါဆာန်" --- သဘာဝပိုဲမၞိဟ်ဏံဟီုဂှ်တှ်ေ ဒၞာဲပိုဲမကၟာတ်ပၞုက်ဗ္ဒန်လဝ်တံဂှ်တှ်ေ မၞိဟ်ဗွဲမဂၠိုၚ်လေဝ် ဗီုစကာဂှ်ကၠောန်ဗက်ဖအိုတ်ဟေၚ် ဟိုတ်နူမိက်သ္ဂောံဂွံအရာဂှ်ဂှ်မာန်၊ မိက်ဂွံတီ မိက်ဂွံဗဵုတုဲ ဆဂး ပ္ဍဲအခိၚ်ဗဵုညာတ်ဖဲ ဟဂှ်ဟွံသေၚ်တှ်ေ လုက်စုက်ဂၠိုၚ်အာတုဲ စဵုကဵုမၠိကၠုၚ်ဒှ်မာန်၊ စိုပ်အခိၚ်တေံပၠန် ၜိုန်ရကဵုဗဵုမးမးကီုလေဝ် ညးမွဲမှဟွံဗဵုဟွံရပ် ဒှ်ကၠုၚ်ရ။

ဟိုတ်ဒှ်သာ်ဝွံဟေၚ် အပါဂွိၚ်ဇၞော်အိုတ်ဂှ် ဘဝကောန်ဝုတ်ဏံမွဲတုဲ ၚုဟ်မးမၞိဟ်ဗြဴဇၞော်နွံပ္ဍဲခန္ဓပိုဲဏံဂှ် ဟွံစိုပ်အခိၚ်ကာလမ္ဂးတှ်ေ ယဝ်ရကဵုညးဂမၠိုၚ်ရပ်ဗဵုစုက်လုက်ပြဟ်ပြဟ်ဏောၚ်တှ်ေ ၚုဟ်မးခန္ဓဘဝကောန်ဝုတ်အပါဂှ် တုပ်သၟဟ်ညံၚ်ရဴမသြန်မသုန်ဒ္ကေဝ်ဏံကီု- ၜိုန်ရကဵုဗဵုမးမးလေဝ် ညးမွဲမှဟွံမိက်ဗဵုဒှ်ကၠုၚ်ရ။

(ဗီုရုပ်ဂှ် ဒှ်ဆဗကပ်ချတ်ဖက်နှဴကဵုဖျုန်လိက်ဓဝ်ရ)

−−−−−−−−−− play stoe−https://play.google.com/store/apps/details... မွဲနဲပၠန်ဂှ်တှ်ေ

apk သွက်ဖုၚ် Android တံတှ်ေ တံၚ်ပတိုန်စုတ်ပ္ဍဲဖုၚ်ညိ။ https://app.box.com/file/971542165210... − သွက် ios - Windows - iPad - iphone - tablet တၞဟ်တၞဟ်တအ်ဂှ်တှ်ေ လုပ်ပံက်ကေတ်တိုက်ရိုက် Application website ဏံညိ။ https://sites.google.com/.../13jk9kcdHxIoapwyHPotX0I.../edit