၁။ ဒှ်ရဲဍာံတှ်ေ−ဝါတ်လောဲအဓိကဟွံသေၚ်၊ လ္ပကဵုဝါတ်မေတ္တာစေတနာညးသ္ကံတှ်ေတုဲရ။
၂။ ဒှ်ရဲဍာံတှ်ေ−အရေဝ်ဂၠိုၚ်အရေဝ်အောန် အဓိကဟွံသေၚ်၊ လ္ပအရေဝ်ဂၠိုၚ်ဆဴကရိုက်မုက်ညးသ္ကံတှ်ေတုဲရ၊
၃။ ဒှ်ရဲဍာံတှ်ေ−သ္ၚိဍောတ်သ္ၚိဇၞော်ဂှ် အဓိကဟွံသေၚ်၊ စိုတ်လ္ပကြေပ်ဂြတ်ညးသ္ကံတှ်ေတုဲရ။
၄။ ဒှ်ရဲဍာံတှ်ေ−လ္ၚတ်ဂွံလဝ်ပညာနွံဂၠိုၚ်အောန်ဂှ် အဓိကဟွံသေၚ်၊ ဆဂး ညံၚ်ဂွံဒှ်ရဲခိုဟ်မွဲမာန် ဒးဂစာန်ကၠိုဟ်စိုတ်လ္ၚတ်မံၚ်ညးသ္ကံတွဵုတှ်ေတုဲရ။
၅။ ဒှ်ရဲဍာံတှ်ေ−တီဂၠိုၚ်တီအောန်ဂှ် အဓိကဟွံသေၚ်၊ ယဝ်တီညှာစိုတ်ညးသ္ကံလေပ်တှ်ေ ဟွံပရေအ်ပုဟ်။
၆။ ဒှ်ရဲဍာံတှ်ေ−စဂၠိုၚ်စအောန်ဂှ် အဓိကဟွံသေၚ်၊ ဆဂး လ္ပစဖအိုတ်ထောံတုဲ စွံလဝ်ဂတာပ္ၚာၚ်သွက်ရဲဏံကီုတှ်ေ ဟွံပရေအ်ပုဟ်။
၇။ ဒှ်ရဲဍာံတှ်ေ−ဒးအာတ်အရီုဗၚ်ညးသ္ကံကီုဂှ် ဒှ်သဘာဝရဲမွဲ၊ ဆဂး စဵုကဵုဒးကဵုမံၚ်အရီုဗၚ်တွဵုတွဵုဂှ်လေဝ် လ္ပကဵုဒှ်ညိတှ်ေတုဲရ။
၈။ ဒှ်ရဲဍာံတှ်ေ−မိက်သ္ဂောံဂွံကပေါတ်ရဲ− ဣဏံကီုဣတေံကီုဂှ် အဓိကဟွံသေၚ်၊ ဗွဲတၟေၚ် လ္ပတီမိက်သ္ဂောံဂွံမံၚ်သွက်ဇကုမွဲလပါ်တွဵုညိ။
၉။ ဒှ်ရဲဍာံတှ်ေ−မတ်ညာတ်သ္ၚောဲကီု မတ်ညာတ်ကြပ်ကီုဂှ် အဓိကဟွံသေၚ်၊ ဆဂးး လ္ပညာတ်ဆအတ္တဇကုမွဲဓဝ်တွဵုညိ။
၁၀။ ဒှ်ရဲဍာံတှ်ေ−ဟီုဗှ်ချူဂွံဂၠိုၚ်ကဵုဘာသာကီုဂှ်လေဝ် အဓိကဟွံသေၚ်၊ ဗွဲတၟေၚ်− ပ္ဍဲအခိၚ်တက်ကျာချူလိက်မ္ဂး ကလၚ်ဗှ်ကၠိုဟ်ဒၟံၚ်ညးသ္ကံရတှ်ေ ပံၚ်အာမွဲအာယုက်။
−
Comments