တၞံဆုကၞာၚ်ကှ်ကဵုမတ်ဗြဲ

နွံတၞံဆုမွဲတၞံဂှ် ကၞာၚ်ကှ်အိုတ်အစောန်တုဲ ဗဒါဲဗဒါဲဂှ် မတ်ဗြဲနွံမံၚ်မွဲၜါကလောအ်လ္တူအာကာသဂှ်တုဲ၊ ရဴဝွံ တၞံဆုကၞာၚ်ကှ်ဂှ် ဟီု

ကဵုမတ်ဗြဲ သာ်ဝွံရ၊ "ဟေမတ်ဗြဲ ဗှ်ေဗဂူဖျေံကဵုအဲဗြဲညိညဂွံဟာ၊ ဗှ်ေရံၚ်အဲစမ် တၞံကၞာၚ်လေဝ်ကှ် ဟွံလအ်ဒေါမ်

ကၟိုၚ်အာဏောၚ်" ဓဝါဲဂှ် မတ်ဗြဲကလေၚ်ဟီုကဵုတၞံဆုကၞာၚ်ကှ်ဂှ် သာ်ဝွံပၠန်ရ၊ လၟုဟ်ဍာ်အောန်မံၚ်ဏီတုဲ မၚ်မွဲချိန်ခဏ ကာလမတ်ဗြဲကောံကလောံဂၠိုၚ်ဂၠိုၚ်တှ်ေ အဲဗဂူကဵုဍာ်ဗြဲဏောၚ်။

ခြာဟွံလအ် လောန်အာၜိုတ်ၜါပိဂိတု မတ်ဗြဲဟဳကၠုၚ်စိုပ်ဗဒါဲတၞံဆုကၞာၚ်ကှ်ဂှ်တုဲ ဂွံဆဵုကေတ်တၞံဆုကၞာၚ်ကှ်နွံကဵုလမျီုကၠာတေံဂှ် လၟုဟ်ဂှ်တှ်ေ ဒ

ေါမ်ကၟိုၚ်ကဝ်ပိုတ်ဗွဝ်စှ်ေနွံဒၟံၚ်သၟဝ်တိဖအိုတ်ရ၊ မတ်ဗြဲလေဝ် သီုအောန်စိုတ် သီုစိုတ်ဟွံခိုဟ်ဂှ် ဗဂူဖျေံဗြဲဍာ်ရမတ်ဂၠိုၚ်ကဵုၝောအ်ကီုလေဝ် တၞံဆုမဒေါမ်ကၟိုၚ်ကယျာအာဂှ် သာ်လဵုလေဝ် ဂွံကၠတ်ပါ်ဂျိုၚ်တိုန်ကၠုၚ်မာန်ဟွံသေၚ်ရ။ −− အုပ်နိဂီု

(ဗဟုသုတဏံဝွံ ဗတောန်ဟီုလဴကဵုပိုဲကောန်ဂကူတအ် ခိုဟ်မွဲဟီုဂှ်တှ်ေ .... တ္ၚဲဏံၜိုတ်ဒြဟတ်ပိုဲကောန်တအ်နွံ ဂၠိုၚ်အောန်လ္ပရံၚ်တုဲ ထေက်ကဵုဒးရီုဗၚ် ဖ္ဍိုက်ဗပေၚ်ဒြဟတ်လ္တူမိမၜါပိုဲတအ်ဂှ်ညိ၊ ခိုဟ်နူကဵု စိုပ်တ္ၚဲပိုဲကောန်ဏံဒြဟတ်ပေၚ်ဟီုတေံဂှ် လဆောဝ်တှ်ေ မိမၜါပိုဲလေဝ် ဟၟဲပြဟ်လလုဲအာလေဝ်ဒှ်မာန်မံၚ်၊ ဟိုတ်ဂှ်ရ− ဇၟာပ်ဇၟာပ်တ္ၚဲဏအ် နွံအောန်ဗီုအောန် နွံဂၠိုၚ်ဗီုဂၠိုၚ် ဒးဗိုၚ်ရီုဗၚ်လ္တူဂုန်မိမၜါအိုတ်ညိ တၚ်ဂုန်ရအဴ။)