ဂျိုၚ်တုဲဒးကၠောန်ဖဵုခိုဟ်ဟေၚ်

ကောန်စာၚ်သၟာန်ယာဲစာၚ်ဂှ်တှ်ေ "ယွံမိ...တ္ၚဲဏံ မိယာဲလ္ပခၟာဲတုဲ ကဝါ်ဏာအဲကောန်ဏံအာဝေၚ်မ္ၚးတေံကီုညိ" ယာဲစာၚ်ကလေၚ်ဟီုကဵုပၠန်ဂှ် "အာဝေၚ်ဟွံဂွံပုဟ် ယာဲဏံဒးကၠောန်ကလောန်"။

ကောန်စာၚ်ဟီုတိုန်ပၠန်ရ− "မှ

တှ်ေရော မိယာဲခၟာဲမံၚ်လေဝ်တၟာဟလိုၚ်ရဏောၚ်တှ်ေ တ္ၚဲဏံဟွံခၟာဲဂှ် မုဟွံဒှ်ပုဟ်"၊ လဝါဲဂှ် ယာဲစာၚ်ကလေၚ်ဟီုကဵု

ကောန်ဇကုဗွဲမနွံကဵုဟိုတ်ဖဵုဂှ်တှ်ေ "မွဲတ္ၚဲခၟာဲမွဲမယဝ်ခၟာဲဖျေံကဵုမာန်တှ်ေ ဘဝမိယာဲဗၠးတိတ်နူထၟာဲသွတၠသ္ၚိရဏောၚ်ဂှ် ကောန်သမ္တီလဝ်ညိဏး" ။

ယာဲစာၚ်ထပ်ဟီုအာဂှ်ပၠန်တှ်ေ ... ယွံလေဝ်ကောန် ကောန်ဒးသမ္တီလဝ်တွဵုဂှ်တှ်ေ တ္ၚဲဏံပိုဲဂျိုၚ်လမျီုနွံတုဲတှ်ေ ဒးဆက်ကၠောန်ဖဵုခိုဟ်မွဲရဏောၚ်၊ တုဲ

ပၠန် ဟိုတ်နူဒးလုပ်ထၟာဲသွတၠသ္ၚိဂှ်လေဝ် ဒၟာနူဖဵုအိုတ် ဒးဒုၚ်ကုတ်ကအ်ပိုက်ကသော်ဟေၚ်၊ ဂုဏ်ဖဵုမကၠောန်လောန်ကၠုၚ်

တုဲတုဲတေံဂှ် ညးလဵုဂွံဂံၚ်ကေတ်တာလျိုၚ်မာန်သွက်အနာဂတ်ဂှ်ဟွံမွဲရ၊ ဟိုတ်ဂှ်ရတုဲ အဃောလမျီုနွံမံၚ်တ္ၚဲဏံဂှ် ဒးပြိုၚ်ပ္ကာန် ဒးရုန်ဂစာန်ကၠောန်ဖဵုခိုဟ်ဇၟာပ်ဇၟာပ်စက္ကဂှ် ဒှ်အဓိကရဏောၚ်ကောန်။

#သရောပ်ဗဟုသုတဏံတှ်ေ ..... ယဝ်ဗှ်ေဒှ်ဂစေံလနေၚ်တှ်ေ ၜိုန်ညးဂမၠိုၚ်ဟွံထအဴတက်တဲလေဝ် ဗှ်ေဒးပဝ်ယာန်လ္တူအာကာသတေံဂှ် ဒှ်တာလျိုၚ်ဗှ်ေရ။

ယဝ်ဗှ်ေဒှ်တၞံချောဲပၠန် ၜိုန်ညးဂမၠိုၚ်လုၚ်ပိန်ကွာ်အာကွာ်ကၠုၚ်ကီုလေဝ် ဗှ်ေဒးဇၞော်ယာတိုန်တၞုၚ်တၞးသိုက်သိုက်ဂှ် ဒးဒှ်တာလျိုၚ်ဗှ်ေပၠန်ရ။

ယဝ်ဗှ်ေဒှ်တၞံပ္ကဴနွံလဒေါဝ်ဂြိုပ်ဇၞော်တေံဂှ်ပၠန်လေဝ် ၜိုန်ရညးဂမၠိုၚ်ဟွံၜှ်ပလှ်ပူဇဴဏောၚ်တှ်ေ ဗှ်ေဒးရာၚ်ပၠးထာၚ်ဗလးသၟူမောဝ်ဇောဝ်ဂှ် ဒှ်တာ

လျိုၚ်ဗှ်ေရ။

ယဝ်ဗှ်ေဒှ်ကၠုၚ်သၟာကၠောန်ပရေၚ်ပိုန်ဒြပ်မွဲဏောၚ်တှ်ေ ၜိုန်ညးဂမၠိုၚ်ဟွံကဵုဒြဟတ်လ္တူဗှ်ေကီုလေဝ် ဗှ်ေဒးဂၠာဲနဲကဲဗဂဵုလဟဵုကဆံၚ်ကမၠောန်ဗှ်ေဂှ် ဒှ်တာလျိုၚ်ညးတၞဟ်ဟွံသေၚ်ပၠန်ရ။

ဟိုတ်ဒှ်သာ်ဝွံဟေၚ် အဓိကဟွံသေၚ်-ပိုဲဏံဒးကဵုညးဂမၠိုၚ်ကၠိုဟ်စိုတ်ပိုဲဏံဇၟာပ်ဇၟာပ်ဒၞာဲပုဟ်တုဲ ၜိုတ်အစောံစရာဲပိုဲဏံနွံဂှ် ဒးဂိုတ်ဂစာန် ဒးပြိုၚ်ပ္ကာန်ဗဂဵုလဟဵုအာဂှ် ဒှ်တာလျိုၚ်ပိုဲဏံမွဲဟေၚ်ပေၚ်ပေၚ်ဏောၚ်။

ဇၟာပ်မၞိဟ်ဂမၠိုၚ်လေဝ် ဒးကၠုၚ်ဒးစိုတ်ဆာန်ပိုဲဏံဖအိုတ်ဂှ် ဒှ်အဓိကဟွံသေၚ်၊ ပိုဲဏံစိုတ်ဒးသၠဲလးညံၚ်ၜဳမှာသၟိတ်လၟိုန်လၟိုန်ညိ၊ လဆောဝ်တှ်ေဂှ် ဗီုပိုဲဏံမကွာ်လအာတိုၚ်ပ္ကဴပ္ဍဲစိုတ်မွဲဂှ် ထေက်ကြိုက်ညံၚ်ရဴပိုဲဏံဒးလသာနူလညာတ်ညးဂမၠိုၚ်တုဲ ဟိုတ်နူညးဂမၠိုၚ်သံသယလ္တူပိုဲဏံဂၠိုၚ်၊ တုဲတှ်ေ သီုညးဂမၠိုၚ်ဂြိုၚ်သ္ပစပရေံပိုဲမာန်၊ ၜိုန်ရဒှ်သာ်ဏံကီုလေဝ် မုဟွံဒှ်ပုဟ်၊ ၜိုန်ပၞေတ်

သရပေၚ်မွဲခန္ဓပိုဲဏံကီု မံၚ်ညံၚ်ရဴလျးအရံၚ်အီအီဂြိုၚ်ဂြိုၚ်လဝ်ကၠာညိ၊ အာရီုပရေအ်အောန်စိုတ်ၜိုတ်လဵုထ္ဍိမြိပ္ဍဲစိုတ်ပိုဲဏံလေဝ် လ္ပဗဒှ်ကဵုညးဂမၠိုၚ်ဒးဆဵုပ္ဍဲမုက်မတ်ပိုဲဏံတွဵုညိတုဲ ဟိုတ်နူညးလဵုမွဲဟွံမွဲ မိက်ဂွံဗဵုမိက်ဂွံဆဵု။

စိုပ်အခါဝါတ်ကြေပ်ဂြတ်ကီုပၠန်လေဝ် လ္ပကရောတ်ဟီုဒၟံၚ်စဵုကဵုခံၚ်ပါၚ်ပတိုန်စိုတ်ပါၚ်တိုက်ညိ၊ ဟိုတ်နူညးလဵုမွဲဟွံမွဲ မုဟွံမွဲကဵုဟိုတ်ဖဵုဂှ် ဍေံဂွံကၠုၚ်ပအပ်ကဵုမသြန်သွက်ဗှ်ေ။

ကၠောန်ကလောန်ဍောၚ်ကွိုၚ်ဇြိုၚ်ဂၠိုၚ်ၜိုတ်လဵုကီုလေဝ် လ္ပကရောတ်ဒေါန်ဗျိလက်ပေၚ်ပြးညိ၊ ဟိုတ်နူညးလဵုမွဲဟွံမွဲ ဂွံကၠုၚ်ဘိုၚ်ရီုဗၚ်ဗှ်ေသီုမုဟွံရန်လဝ်လာပ်ဗဇဴ။

ဘဝလဆောဝ်ၜိုန်သဝ်ကီုလေဝ်ဂှ် ဓဝ်ပတေဟ်ဇကုဂှ်လ္ပဝိုတ်ထောံတွဵုညိတုဲ တ္ၚဲယးတေံတၟးဂှ် ဒှ်တ္ၚဲတၟိသွက်ဗှ်ေခိုဟ်အိုတ်မွဲတ္ၚဲလေဝ် ဒှ်မာန်မံၚ်ဏောၚ်။

ၜိုန်ရပိုဲဏံဒှ်မၞိဟ်ဟွံကေတ်ဂၠံၚ်ဍာန်မွဲကီုလေဝ် လ္တူမိမၜါဂှ် မံၚ်ထောံဗီုညးတၞဟ်ဟွံဂွံတုဲ စိုပ်မွဲတ္ၚဲပိုဲဏံဒးဗျုဗီုညးတံကီုဏောၚ်ဂှ် ဒးတီထေက်ညိ အုပ်နိဂီု။