ဂြပ်လေဝ်အိုတ်စိုတ်လေဝ်လီု (ချူ−ကျာ်ဇၞော်အ္စာ မှာထေရ်ပါလိတ)

ပ္ဍဲအရာပ္တန်ဘဝမၞိဟ် နကဵုပရေၚ်ပိုန်ဂြပ်ဝွံ၊ ဟိုတ်နူအသိၚ်ပိုန်ဟာန်ဂြပ်အရပ်အရာနာနာသာ် စုတ်ဍာ်လံၚ်ဝါဲကဵုဇကု၊ ယိုက်ထ္ၜလဝ်ဇကုဇကုတုဲ၊

ရေၚ်တၠုၚ်ကဵုတသိုက်စိုတ်တသိုက်ကာယလၟိုန်ရ၊ သွက်ဂွံမိပ်ဇြိပ်ပ္ဍဲဘုံလောကဳ ဗွဲမကိတ်ညဳကဵုပရေၚ်ဓမ္မဝတ်ကီု

၊ သွက်ဂွံတိတ်ဗၠးအာ နူဒဒိုက်ဝဋ်သံသာဘုံလောကဳကီု၊ ပိုန်ဂြပ်ဂှ်ဟေၚ် လလေၚ်ဒှ်အထံက်အပၚ်ဍိုက်ဍိုက်ပေၚ်ပေ

ၚ်တုဲ၊ ဒၞါဲလဵုဟွံဟီု ဒးပြီု ဒးဗဂပ် ဒးရပ်စပ်သုၚ်စောဲစကာဍေံဖအိုတ်ရ။

ဟိုတ်နူပိုန်ဟာန်ဂြပ်ရတ်ဇကု ဍိုက်ပေၚ်ကၟိုဟ်ကၠုၚ် ဂွံဒုၚ်သဇိုၚ်အတိုၚ်ပၟိက်စိုတ်ဇကုစိ၊ မုက်မတ်ညံၚ်ဂွံမြဴ ကောန်ဗြဴညံၚ်ဂွံသ္ဍိုက်ဆာန် ကတဵုဗဒှ်

ကဵုမာန်ရ၊ အခါကာလမိပ်ဇြိပ်လဟိၚ်လဟာဲကဵုအာဲတၟာဲတိဍာ်ကၠံသွဝ် သြန်ထဝ်ပိုန်ဟာန်ဂြပ်ရတ်တံဂှ် ဒဒိုက်တၟာမလ္ၚဴလေဝ် ဟွံဒးတီသက်သက်ရ၊ အခါကာလပိုန်ဟာန်ဂြပ်ရတ်လာဲလေၚ်အိုတ်အာ၊ လီုလာ်စာ်ထောၚ်ယောၚ်ယာအိုတ်အာ၊ ယဝ်ခါရဒးဂဗဆဵုလောကဓဝ်သာ်ဝွံမ္ဂး၊ (ဂြပ်လေဝ်အိုတ် စိုတ်လေဝ်လီု) ဒှ်ဗီုတမြံ ညးမကြံဥမ္မတ်တံဂှ်ရ။

ဆၜိုတ်စိုတ်လီု တုပ်ဗီုတမြံဂှ်ဟွံသေၚ်ဏီ၊ စ၆ုကဵုဒးဂစိုတ်ထောံဇကုဇကု နကဵုနဲကဲမမိက်ကဵုမွဲမွဲလေဝ် ဂစိုတ်ထောံရ၊ ဂကူမည်ပိုဲလ္ၚဵုလ္ၚဵုတံဂှ်၊ ဟိုတ်နူပိုန်ဟာန်ဂြပ်ရတ်အာဲတၟာဲလာဲလေၚ်လီုအာ နကဵုသၞမသုန်သာ်စိ၊ စဵုကဵုကြံကြိုၚ် ပခိုၚ်ဇကုဟွံမာန် ဆီလီုအာတုဲ က္တဵုဒှ်ယဲစိုတ်ဇၞော်ရ၊ သၞမသုန်သာ်မ္ဂးဂှ် (သၟိၚ်−ဍာ်−ပၟတ်−ကမၠတ်−ကောန်ပရံ) မ္ဂးရောၚ်၊ ဟိုတ်ဂှ်ရ−ဂြပ်ရတ်ပိုန်ဟာန်ပကောံပကေဝ်လဝ် နကဵုဍာ်ဓတ်ကာယဝွံ၊ ကာလစိုပ်သ္ကေံတဲသၞမသုန်သာ်ဂှ် စိုတ်လီုလာ်အိုတ်ရောၚ်။

ပကောံပကေဝ်ဂၠါဲနၚ်ဂြပ်ရတ် ဂွံသှ်ေဂွံၜက် သီုပလက်ဇွောဝ်ပြး အကြာချိုတ်အာကြာဂျိုၚ် ဂွံပိုၚ်လဝ်အတိုၚ်ပၟိက်စိုတ်တုဲ သၟီတံ ကေတ်ထောံဗွဲအနိုၚ်အထက်ကီု၊ ဗၠိုက်အာဍာ်ကီု၊ တူအာပၟတ်ကီု၊ ကမၠတ်ဒမၠမတာ ပၠံၚ်ၜးဗတိုက်ဏာကီု၊ ကောန်ပရံ ကောန်ဒမြိုဟ် ဂြိုဟ်စာပလီုပလာ်ပၠေၚ်ထောံကီု၊ ဟိုတ်နူသၞဂမၠိုၚ် မသုန်သာ်ဝွံစိ၊ ဂြပ်ရတ်အာဲတၟာဲ ဒးလာဲလေၚ်အာဝွံဂှ် ပ္တေဟ်စှ်ေစိုတ်အိုတ်ညိ။ ညးဟွံသေၚ်အာဲ၊ အဲဟွံသေၚ်ညး မၞိဟ်ဒးကြံအာဂုန်ဂြပ်, စိုတ်လီုလာ်အာဂုန်ဂြပ်ဂှ် ဝဳပရာဟွံလောဲသွာအေဟ်ရ၊ အ္စာသဝ်, မဟာသဝ် ဒးဗလးတဲဒှ်ဂွံရ၊ ကာလချပ်ဂွံလပါ်ပိုန်ဂြပ်သၠဲလး ဗၠးဒဒိုက်တေံဂှ် စိုတ်ပိုဲသၠောၚ်သ္ပဝ်တိုန်စိုပ်ကၞောတ်တုဲ ကာလချပ်ဂွံလပါ်ပိုန်ဂြပ်အာဲတၟာဲလေၚ်အာဂှ် ပဓဝ်စိုတ်ဟွံမာန် ထိၚ်ဒက်စိုတ်ဟွံမာန်ရ။

မၞိဟ်ဂှ်ဂှ် တုပ်သၟဟ်ညံၚ်ရဴကၠၚ်ကၟတ်လီု ဗီုလံၚ်မၞိဟ်ယောၚ်ယာနာနာသာ် ဆီကွာ်ဟွံညဳတုဲ ဒးလေၚ်အာဘဝမၞိဟ်ပၠန်ရ။ မၞိဟ်စိုတ်လီုဂုန်ဂြပ် ကြံကြိုၚ်အာဂုန်ဂြပ်ဂှ်လေဝ် အောန်ကဵုဂၠိုၚ်နွံဒၟံၚ်ဏီ သ္ဂောံတီကေတ်မာန်ရောၚ်။

နွံမွဲဂလာန်ပၠန်ဂှ် "ဟောံဂုန်ဂြပ်ပရံ−ကံနွံဒုၚ်တ္ၜေဟ်၊ ဟောံဂုန်ဂြပ်ဗၞိက်−သ္ပဍိက်ညးဍေံ၊ ဟောံဂုန်အာစာ−အာရဟေတ်" ပၞောဝ်ကဵုလေၚ်ဟောံပိသာ်ဝွံ၊ လေၚ်ဟောံဂုန်ဂြပ်ဂှ် ဆက်စပ်ဒၟံၚ်အလုံသတ်မၞိဟ်အိုတ်သီုတုဲ ညံၚ်ဟဂွံလေၚ်အာဂုန်ဂြပ်ဂှ် ဒးစွံဓဝ်သတိဇၞော်ဇၞော်ရ၊ ဒဒိုက်စိုတ်လီု တုပ်ဗီုမၞိဟ်တမြံ မၞိဟ်ကြံကြံၚိုက်ၚိုက်ဝွံ၊ ဟွံလုပ်အဝေါၚ်မၞိဟ်ဇေတ်ဇေတ်တုဲ နူဇမ္ၚောဲ ဒးထိၚ်ဒက်မၚ်မွဲလဝ်ဂြပ်ရတ်တိဍာ်ကၠံသွဝ်ဇကုဇကုရောၚ်။