ကခၞါဟေတ်အပါဒးစိုတ်

နွံအိန်ထံၚ်မွဲ ကောန်အပါယာဲ ညးပိနွံတဴမွဲသ္ၚိရ၊ နွံမွဲတ္ၚဲ လဓဳဂှ်စဴကၠုၚ်နူကမၠောန်အဃောဍောၚ်ဒၟံၚ်တုဲ အဏအ်ပ္ဍဲသ္ၚိကောန်ကဵုယာဲညးၜါလေဝ် ပလေဝ်လဝ်ခုၚ် သွက်ဂွံစပုၚ်ဗဂါပ်သဝ်တ္ၚဲမွဲစွံရ။

ကာလတက်ဝိုၚ်စပုၚ်ရဂှ် ကခၞါမဂဳမခၞါလဝ်ဂှ် ဟိုတ်နူမဂဳယှုက်ထုဲကမၠောန်ပိုက်ကဆံၚ်ဂၠိက်ယာတ်ပ္ဍဲသ္ၚိတုဲ ကခၞါလဝ်လ္တူဖဴတေံဂှ် ဟေ

တ်ဟဲဗ္စံက်အာကီုရ၊ လဓဳဂွံဆဵုကေတ်ကမဟေတ်ဂှ်တုဲ မုဟွံဟီုဗျိတဴမွဲသာ်ဂှ် ရပ်ဂွံကဟေတ်ဟေတ်တုဲ ဟီုတဴသ

ာ်ဝွံရ၊ "အပါဒးစိုတ်ကဟေတ်ဟေတ် စမေါဝ်ကွေံ" လဓဳဂှ် စအာပုၚ်အတိုၚ်ဗွဲပကတိရ။

ပ္ဍဲအခိၚ်ဗ္တံ မဂဳဂှ် ဟီုကဵုလဓဳညးတေံသာ်ဝွံရ၊ "ဟိုတ်နူကခၞါဟေတ်အာဂှ် သၠးအခေါၚ်ညိဏးလဓဳ" အဵု မုဟွံဒှ်သာ်လဵုပုဟ်မဂဳ အဲစဂွံဒၟံၚ်ရ၊ အဃောဂှ် ကောန်ဗၠာဲညးတေံဂွံမိၚ်အာတုဲ တ္ၚဲစူယးတၟး အဗၠာဲဂှ် သၟာန်အပါညးတေံရ။

ယွံအပါ_အပါဒးစိုတ်စက

ခၞါဟေတ်ဟေတ်ကွေံဟာ အပါ၊ _ _ ဟွံသေၚ်ပုဟ်ကောန်ဗၠာဲ၊ အပါလဴကလၚ်ညိဏး _ _ မိယာဲဍေံလေဝ် ကမၠောန်ပ္ဍဲသ္ၚိပေၚ်ပြးဒၟံၚ်တုဲ ကမခၞါဟေတ်အာဂှ် ဒှ်ဓမ္မတာရကောန်ဗၠာဲ၊ ဒၟာနူကခၞါဟေတ်အာမွဲဂှ် မုဟွံဒှ်ပြသၞာပုဟ်လေဝ်ကောန်ဗၠာဲ၊ ယဝ်ရအပါဟွံပေၚ်စိုတ်ကဵုမိယာဲဍေံ ဟိုတ်နူကခၞါဟေတ်အာဂှ်တုဲ မဟီုဗျိလက်ဏာအရေဝ်ဂိသကေဝ်လ္တူမိယာဲဍေံဏောၚ်တှ်ေ ဇီုကပိုက်ကဵုပရေၚ်ဂကောံအိန်ထံၚ်ပိုဲဏအ် ဇၞော်တဴကဵုဒြဟတ်ဏောၚ်ကောန်ဗၠာဲ၊ ဟိုတ်ဂှ်ရ သောဲသောဲဗြောဲဗြောဲဂှ် လ္ပဗဒှ်ထောံပြသၞာတၟာစိၚ်တှ်ေ ခိုဟ်ဂၠိုၚ်ရလေဝ်ကောန်ဗၠာဲ၊ ဂကောံအိန်ဟီုဂှ် ဗီုစိုတ်ဇကုမိက်ဂွံဒှ်ညးမွဲတွဵုဂှ် သာ်လဵုလေဝ် ဒှ်အာဟွံမာန်တုဲ ဒၞာဲဒးအေၚ်ဒုၚ် ဒၞာဲဒးသၠးအခေါၚ် ညးမွဲကေုာံညးမွဲမာန်ဂှ်တှ်ေ ထေက်ကဵုဒးသၠးအခေါၚ် ဒးအေၚ်ဒုၚ်မာန်မှ ဂကောံအိန်ထံၚ်ဂှ် ဂွံအာဍာ်ဇမၠိၚ်မာန်ဏောၚ် ကောန်ဗၠာဲ−−− အဵု...ယွံ ယွံ သာ်ဂှ်ဟာ အပါ ။ အုပ်နိဂီု။ − (ဗဟုသုတဏအ်ဝွံ ဗတောန်ဟီုလဴကဵုပိုဲကောန်ဂကူတအ်ခိုဟ်မွဲဟီုဂှ်တှ်ေ----ဒုၚ်ယၟုအိန်ထံၚ်ဟီုဂှ် ဓဝ်အေၚ်ဒုၚ်, ဓဝ်သၠးအခေါၚ်, ဓဝ်စွံၚုဟ်မးလ္တူညးသ္ကံနွံဍိုက်ပေၚ်မှ အိန်ထံၚ်ဂှ် နွံကဵုၚုဟ်မး နွံကဵုအဓိပ္ပါယ်လ္တူလောကဏံမာန် − တၚ်ဂုန်ရ။)