ကာဍာ်ဂမ္တဴဗတောန်စိုတ်

အနာဲမွဲဂှ် ပ္ဍဲညးတေံ ကာဍုန်ဍာ်ဂမ္တဴတြေမ်တြေမ် မကၠောန်လဝ်နကဵုတိဂှ် နွံတဴမွဲမ နွံကဵုၚုဟ်မးတဴဗွဲမလောန်ရ။

နွံမွဲဗ္တံ အဃောညးတေံတိက်ဒၟံၚ်ဂှ် တဲညးတေံလုက်စုက်ဒးအာဂၟဳကာဍာ်ဂှ်တုဲ ဂၟဳကာဍာ်ဂှ် ဒတုံစှ်ေအာရ၊ ညးတေံဂိုဟ်ကဟောမ် စိုတ်ဟွံမိပ်တုဲ ထေၚ်ကေတ်ဂၟဳကာဍာ်ဂှ် ထ္ကးအာဏောၚ်ဂှ် "ဂၟဳဟၟဲရတှ်ေ မုပစကဵုကာဏံဏီရော" ညးတေံတော်သာ်ဂှ်တုဲ နကဵုဒေါသအဃောဗ္တံဂၠုဂၠုဂှ် ရပ်ကေတ်ကာဍာ်ဂှ်တုဲ ထဝေၚ်ကၠဟ်ပတိတ်ဏာပါၚ်တြၚ်မ္ၚးတာဲ သ္ကဲဂြိုပ်တာဲညးတေံဂှ်ရ။

တ္ၚဲယးတၟး ညးတေံဂွံဆဵုကေတ်

ဂၟဳကာဍာ်ဂမ္တဴဂှ် ဟိုတ်နူဒတုံစှ်ေနွံဒၟံၚ်လ္တူယာတ်ဇိုတ်ဇိုၚ်ဂှ်တုဲ ဂၟဳကာဍာ်ဂမ္တဴဂှ် မုသာ်ဟွံဒှ် ဟွံထ္ကးအာရ၊ ညးတေံညာတ်သာ်ဂှ်တုဲ သီုဒေါသကတဵုဒှ်မွဲဝါပၠန် ဟိုတ်နူထဝေၚ်ကၠဟ်ထောံကာဍာ်ဂမ္တဴဂှ်တုဲ စိုပ်အာသၟဝ်တိမ္ၚးသ္ၚိယျတှ်ေ မုနွံမံၚ်ဏီရော ထ္ကးပြးဂၠာဲကဝေက်ကြပ်ဟွံဆဵုရဒှ်- ညးတေံချပ်သာ်ဂှ်တုဲ နကဵုဇိုၚ်ညးတေံ ဂၟဳကာဍာ်ဂမ္တဴဂှ် ထပ်လိုန်သၠေက်ထောံမွဲဝါပၠန်ရ။ − ဂွံမွဲလစုတ် ညးတေံအာရံၚ်ကာဍာ်ဂမ္တဴ မကၠဟ်ထဝေၚ်ပ္တိတ်ဏာမ္ၚးပါၚ်တြၚ်ဂှ် အာခက်ဒကုဲဒၟံၚ် ပ္ဍဲကၞာၚ်ဆုတေံဖိုဟ်ဂှ် သီုမုဟွံဒှ်မွဲသာ်ရ၊ −−− ဗီုလဵုဂွံသ္ပ ဂၟဳလေဝ်လိုန်သၠေက်ထောံယျ၊ ဓဝါဲဂှ် ညးတေံဂၠောၚ်ကေတ်ကာဍာ်ဂမ္တဴလ္တူကၞာၚ်ဆုတေံတုဲ နကဵုဒေါသဗွဲမသကာတ် တက်သၠေက်သၠံၚ်ထောံ ကာဍာ်ဂမ္တဴဂှ်ပၠန်ရ။ (အုပ်နိဂီု) −−− (ဗဟုသုတဏံဝွံ ဗတောန်ဟီုလဴကဵုပိုဲကောန်ဂကူတအ် ခိုဟ်မွဲဟီုဂှ်တှ်ေ .... မုကၠောန်ကၠောန်, မုချပ်ချပ်, မုဆဵုဆဵုတအ်ဂှ် နကဵုဒေါသလ္ပအာဂတတုဲ နကဵုစိုတ်မညိၚ်ဝတ် သိုက်သိုက်သဳသဳ ချပ်ဗ္စာတုဲ ကၠောန်ဏာ သ္ဂုတ်သွာတ်အာ ကမၠောန်မွဲမွဲအိုတ်ညိ) တၚ်ဂုန်ရ။