ကဵုဂွံဒှ်သၟာဗှ်လိက်လေပ်မွဲညိ − (ဗဟုသုတဗှ်ဝေၚ်)🙂

ကဵုဂွံဒှ်သၟာဗှ်လိက်လေပ်မွဲညိ − (ဗဟုသုတဗှ်ဝေၚ်) ယဝ်ဆဵုလိက်မွဲမွဲပိုဒ်မ္ဂးတှ်ေ လိက်ချူလဝ်ဂှ်ဗှ်ရံၚ်တုဲ ညးချူလဝ်သွာၚ်လဵု အခိုက်လဵု၊ လိက်ဟတဵုဟရိုၚ်ဟာ ကေတ်စကွေံကွေံဟာ ကဵုကၠိုဟ်စိုတ်ဗီုညးချူလဝ်ဂှ်ကၠာညိ၊ သာ်ဂှ်ဟွံသေၚ်တှ်ေ ဒှ်မၞိဟ်ဗှ်လိက်ဒးသၟး ဆဂးဗှ်လိက်ဟွံလေပ်တုဲ ကၠိုဟ်အာစိုတ်ပြးဒှ်မာန်ဏောၚ်၊ ဟိုတ်ဂှ်ရ−ဗှ်လိက်နဲကဲစုၚ်စုၚ်မ္ဂး ဗီုပြၚ်ကၞေဟ်မချူဏာဂှ် ဆဵုဗက်ကၠိုဟ်ကၠုၚ်ပ္ဍဲစိုတ်မာန်ဂှ်တှ်ေ ကၞေဟ်ဏံညးချူလဝ်ဗီုပြၚ်သာ်လဵု၊ ကၞေဟ်ဏံညးချူလဝ်ကဵုဟိုတ်ဖဵုသာ်လဵု၊ ကၞေဟ်ဏံညးချူလဝ်ကဵုဂြိုၚ်ဟာဂှ် သာ်ဏံသၟာဗှ်လိက်လေပ်တံဟေၚ်ကၠိုဟ်ကေတ်မာန်၊ ဟိုတ်ဂှ်ရ−ဗှ်လိက်ဂၠိုၚ်ဂၠိုၚ်ချူလိက်ဂၠိုၚ်ဂၠိုၚ်ညိ။

ဗှ်လိက်ဒးကဵုဗှ်လိက်လေပ်ဂှ်ဟွံတုပ်ပုဟ်၊ သွက်ညးဗှ်လိက်ဒးတံဂှ် ဗှ်အာတိုက်ရိုက် ရမ်သာၚ်သွဵုဗျန်ဂစိုတ်ကၟက်တံပေၚ်ခိုဟ်မွဲမဟွံဗၠေတ် ဆဂး မၞိဟ်ဗှ်ဂှ်ကီု သီုမၞိဟ်ကလၚ်နွံသ္ကဲတံဂှ်ကီု မုဟွံတီဟိုတ်ဖဵုပ္ဍဲဖျုန်လိက်ဂှ်ဂှ်တုဲ နွံဆဂွံမိၚ်ရမ်သာၚ်ဂစာန်ပတဝ်လဝ်ဗှ်လိက်ဟွံကဵုဗၠေတ်သၟးညံၚ်ဍာ်ဆၚ်စှ်ေနူဒဵု၊ သွက်ညးဗှ်လိက်လေပ်တံဂှ် ဆဆဵုကၞေဟ်ဂှ်ဗက်ဟေၚ် ညးချူလဝ်ဗီုပြၚ်နဲကဲသာ်လဵုသွာၚ်လဵုဂှ် တီကေတ်မာန်ဗွဲသဘာဝရ၊ အဃောဗှ်အာဂှ်ပၠန်လေဝ် သီုဆဵုအာရုပ်ရဴဟိုတ်ဖဵုဇာတ်ပ္ဍဲဖျုန်လိက်ဂှ်မာန်၊ တုဲတှ်ေ ဖျေံအခိုက်စွံဒၞာဲရမ်သာၚ်သာဇြိုၚ်က္ဍာသဝ်သၠုၚ် ဒးအာဗွဲမတိုက်ရိုက်မာန်လောဲလောဲ၊ သာ်ဏံဂှ် ဒှ်မၞိဟ်ဗှ်လိက်လေပ်ကော်ခဴစရ။

ဗှ်လိက်ဒးဟီုဂှ် စိုပ်တန်ဒုတိယတတိယလေဝ် ဗှ်လိက်ဒးအိုတ်ရ၊ ညံၚ်ဂွံဒှ်မၞိဟ်ဗှ်လိက်လေပ်ဂှ် ဒးဗှ်လိက်ဂၠိုၚ်ဂၠိုၚ်ညိ ယဝ်ချူကီုတှ်ေပဵုခိုဟ်မာန်၊ ပ္ဍဲပူဂဵုပိုဲဏံ ယဝ်ဗှ်ဂွံလိက်အောန်အိုတ်ၜါဘာသာၜါဂကူလပါ်လ္တူတှ်ေ ပရေၚ်ဗှ်လိက်ကေုာံပရေၚ်ကၠိုဟ်စိုတ်ပ္ဍဲပိုဲဏံဂှ် ကဵုကၠုၚ်တၚ်သွဟ်နာနာပ္ဍဲပရေၚ်ဗှ်လိက်ကေုာံပရေၚ်ချူလိက်ခိုဟ်ကွေံကွေံ၊ ဗှ်ဂွံမွဲဘာသာဂှ်လေဝ်ပရေံအာဟွံသေၚ်တုဲ ပ္ဍဲဘာသာဂှ်ဂှ် လိက်နဲကဲစုၚ်ဇဳသွာၚ်နာနာနွံတုဲ ယဝ်ဂွံဗှ်ဂၠိုၚ်ဂၠိုၚ်ချူဂၠိုၚ်ဂၠိုၚ်တှ်ေ သွက်ဘဝပ္ဍဲပူဂဵုဂှ်ဂှ် ဍိုက်ပေၚ်ကဵုဂၠံၚ်တိတ်နွံတုဲ သှ်ပြသၞာပ္ဍဲဘဝလၟေၚ်လၟေၚ်တ္ၚဲဂွံမာန် စှ်ေကေတ်စိုတ်ရ၊ အိုတ်ကၞောတ်ဏံဂှ် သၟတ်တ္ၚဲဏံကီု၊ သၟာဗှ်လိက်ဂတာပ်အခေတ်တ္ၚဲဏံကီု၊ သီုကောန်ဂကူမန်ပိုဲတံသီုညးဖအိုတ်လေဝ် လိက်မုဘာသာလဵုဒှ်ဒှ်ယဝ်လေပ်လဝ်နွံတှ်ေဍေံဟွံဒှ်အာသၟးသၟးပုဟ်၊ ဟိုတ်ဂှ်ရ−ညံၚ်ဂွံဒှ်မၞိဟ်ဗှ်လိက်လေပ်ခိုဟ်မွဲဂှ် ဗှ်လိက်ဂၠိုၚ်ဂၠိုၚ်ချူလိက်ဂၠိုၚ်ဂၠိုၚ်အိုတ်ညိ အုပ်နိဂီု တၚ်ဂုန်ရအဴ။ play stoe−https://play.google.com/store/apps/details... Application website - မွဲနဲပၠန်ဂှ်တှ်ေ

apk သွက်ဖုၚ် Android တံတှ်ေ တံၚ်ပတိုန်စုတ်ပ္ဍဲဖုၚ်ညိ။ https://app.box.com/file/971542165210... သွက် ios - Windows - iPad - iphone - tablet တၞဟ်တၞဟ်တအ်ဂှ်တှ်ေ လုပ်ပံက်ကေတ်တိုက်ရိုက် Application website ဏံညိ။ https://sites.google.com/.../13jk9kcdHxIoapwyHPotX0I.../edit