(ကောန်ၚာ်ကဵုမၞိဟ်ဇၞော် ညးလဵုဓီု)
(ကောန်ၚာ်ကဵုမၞိဟ်ဇၞော် ညးလဵုဓီု)−ဗဟုသုတဗှ်ဝေၚ်လၟေၚ်တ္ၚဲ
😀
အဃောအ္စာခေပ်သော်-ခေပ်မံၚ်သော်အဗၠာဲမွဲဂှ်တုဲ အ္စာခေပ်သော်ဂှ် ကျာတိုန်ကဵုအဗၠာဲအဃောဂ္ဇံဒုၚ်ခေပ်မံၚ်သော်ဂှ် ရဴသာ်ဝွံရ၊ ဟေအဗၠာဲ ဗှ်ေတီဟာ-တေံကောန်ၚာ်မွဲတေံဂှ် ဒိုဟ်ဓီုၜိုတ်လဵု ယဝ်ဗှ်ေမိက်ဂွံတီတှ်ေ အဲစမ်ၜတ်ရံၚ် ဗှ်ေမၚ်ဗဵုမံၚ်ညိဏး။..........................................
(ကောန်ၚာ်ကဵုမၞိဟ်ဇၞော် ညးလဵုဓီု)−ဗဟုသုတဗှ်ဝေၚ်လၟေၚ်တ္ၚဲ
😀
အဃောအ္စာခေပ်သော်-ခေပ်မံၚ်သော်အဗၠာဲမွဲဂှ်တုဲ အ္စာခေပ်သော်ဂှ် ကျာတိုန်ကဵုအဗၠာဲအဃောဂ္ဇံဒုၚ်ခေပ်မံၚ်သော်ဂှ် ရဴသာ်ဝွံရ၊ ဟေအဗၠာဲ ဗှ်ေတီဟာ-တေံကောန်ၚာ်မွဲတေံဂှ် ဒိုဟ်ဓီုၜိုတ်လဵု ယဝ်ဗှ်ေမိက်ဂွံတီတှ်ေ အဲစမ်ၜတ်ရံၚ် ဗှ်ေမၚ်ဗဵုမံၚ်ညိဏး။
လဝါဲဂှ် အ္စာခေပ်သော်ကော်ခါဲနၚ်ကောန်ၚာ်ဂှ်ရ၊ တဲမွဲလပါ်ဂှ်ကေမ်လဝ်သြန်စှ်ဒကေဝ်၊ တဲလပါ်ပုၚ်ဂှ်ပၠန် ကေမ်လဝ်သြန်မွဲကၠံတုဲဟေၚ် ပၠးထ္ၜးကဵုကောန်ၚာ်ဂှ်တုဲ လပါ်ဒးစိုတ်ဂှ်ရုဲကေတ်မွဲလပါ်ညိ၊ လဝါဲဂှ် ကောန်ၚာ်ရုဲကေတ်လပါ်တဲပါဲသြန်နွံစှ်ဒကေဝ်တုဲ ဂြိပ်တိတ်အာနူဖျာခေပ်သော်ဂှ်ရ၊ လဝါဲဂှ် အ္စာခေပ်သော်ဟီုကဵုအဗၠာဲအဃောဂ္ဇံခေပ်မံၚ်သော်ဂှ်−− ဗှ်ေဆဵုဟေၚ်ဟာ၊ ကောန်ၚာ်ဏံ ဒိုဟ်ဓီုၜိုတ်လဵုဂှ် ဗှ်ေဂွံဆဵုနမတ်ရသေၚ်ဟာ။
ဂွံမွဲချိုန်ခဏ အဗၠာဲဂှ်ခေပ်သော်တုဲဒှ်ဗက် ကွာ်တိတ်ကၠုၚ်နူဆေၚ်ဖျာခေပ်သော်ဂှ်တုဲ သ္ကဲဍာန်ဂှ် ဂွံဆဵုကေတ်ကောန်ၚာ်နူကၠၚ် ညးတေံဂ္ဇံစမံၚ်ဍာ်ကလောံဂံက်ဂံက် ၜိုဟ်ၜိုဟ်သိုဟ်သိုဟ်ဖိုဟ်၊ လဝါဲဂှ် အဗၠာဲခေပ်သော်လုပ်အာကြပ်ကြပ်ကောန်ၚာ်ဂှ်တုဲ သၟာန်တိုန်ရ၊ ဟေကောန်ၚာ်− နူကၠၚ်တေံဂှ် အ္စာခေပ်သော်ညးကဵုရုဲသြန်ပ္ဍဲဂတာတဲညးဂှ် မုပဟွံရုဲကေတ်လပါ်တဲပုၚ်သြန်နွံမွဲကၠံဒကေဝ်ဂှ်ရော? ကောန်ၚာ်ဂှ် ထပ်လဴကဵုအဗၠာဲဂှ်ပၠန်ရ၊ ယဝ်ရအဲရုဲကေတ်လပါ်သြန်မွဲကၠံဂှ်တှ်ေ အဲဂွံမွဲအလန်ဂှ်ရဏောၚ်၊ ယဝ်ရအဲရုဲလပါ်သြန်အောန်ဂှ်တှ်ေ အ္စာခေပ်သော်ဂှ် ညးဂွံဝေၚ်ကဵုအဲရုဲဗီုဏံအရိုဟ်တ္ၚဲတုဲ အဲလေဝ်ဂွံစမံၚ်ဍာ်ကလောံဂံက်ဂံက်ဗီုဏံ အရိုဟ်အရိုဟ်တ္ၚဲရဟွံသေၚ်ဟာ၊ အုပ်နိဂီု။