ဍိုဟ်ကေက်စဳကၠးၜိုတ်လဵုလေဝ် ဍိက်ဂှ်ဍိက်ရ

ဗဟုသုတဗှ်ဝေၚ်......................နွံကာမွဲတ္ၚဲ ကၠဵုမွဲကိတ်နၚ်ဒေါလာစှ်ကဵုလိက်မွဲတၞးတုဲ ကွာ်လုပ်အာဖျာသွံစၞစနာနာဂှ် တၠဖျာဆဵုကေတ်တုဲ ပံက်ဗှ်လိက် ဂွံတီကေတ်......................

ဍိုဟ်ကေက်စဳကၠးၜိုတ်လဵုလေဝ် ဍိက်ဂှ်ဍိက်ရ − ဗဟုသုတဗှ်ဝေၚ်
−
နွံကာမွဲတ္ၚဲ ကၠဵုမွဲကိတ်နၚ်ဒေါလာစှ်ကဵုလိက်မွဲတၞးတုဲ ကွာ်လုပ်အာဖျာသွံစၞစနာနာဂှ် တၠဖျာဆဵုကေတ်တုဲ ပံက်ဗှ်လိက် ဂွံတီကေတ်−−ကၠဵုဂှ် ကၠုၚ်ရာန်ဖျုန်ဂၠဴပရာန်စှ်ဒေါလာဂွံတီကေတ်တုဲ စုတ်ဂွဳဏာခိုဟ်ခိုဟ် ကဵုထိုၚ်လောဘာၜါထပ်ရ။
ကၠဵုဂှ် ညးတေံ ဂွံဖျုန်ဂၠဴပရာန်ဂှ်တုဲ ကွာ်တိတ်စဴအာဒၞာဲသ္ၚိတၠဇကုဂှ် ဒးတတ်ဍာန်ကွဳစက်ကာလဒေါဝ်ဂၠံၚ်ပန်သွာၚ်ဂှ်တုဲ လအ်ပၟတ်သာ်သ္ၚေက်ဂွံတိုန်ဂှ် ကၠဵုဂှ် ညးတေံမၚ်ဒၟံၚ်မွဲလစုတ်ရ၊ တၠဖျာဆဵုကေတ် ပွကၠဵုမကၠောန်သ္ပသာ်ဂှ်တုဲ ထိုၚ်သးသံသယဒှ်ကၠုၚ် "ဂွံတီ−ကၠဵုဏံကၠုၚ်နူလဵုရော?" သ္ဂးတုဲ ဗက်အာကၠဵုဂှ်သိုက်သိုက်ရ။
ဟွံလအ် ပၟတ်ဂၠံၚ်ပန်သွာၚ် ကဵုပၟတ်သာ်သ္ၚေက်ဗက်ဂှ် ကၠဵုဂှ်လေဝ် ညးတေံတတ်အာဂၠံၚ်ပန်သွာၚ်ဂှ်ရ၊ စိုပ်အာလပါ်ဍာန်ကွဳစက်ကာမွဲလပါ်တေံဂှ်တုဲ ညးတေံမၚ်ဒၟံၚ်ကွဳစက်ကာ ဖ္ဍိုက်ညးတေံမဍိုက်ကၠုၚ်လဝ်ဂှ် မဂၞန်ဍေံ 88 အရံၚ်ဍာဲဍာဲ ဒၞာဲသၞေဟ်ကွဳစက်ကာဂှ်ရ။
ဂွံမွဲလစုတ် ကွဳစက်ကာတၞဟ်ကၠုၚ်ဒိုအ်လေဝ် ကၠဵုဂှ် ညးတေံဟွံတိုန်အာ ဆက်မၚ်ဒၟံၚ်ကွဳစက်ညးတေံမဍိုက်ကၠုၚ်လဝ်ဂှ်ရ၊ ဂွံမွဲၜါမိဏေတ်ဂှ် ကွဳစက်မဂၞန် 88 အရံၚ်ဍာ်ဍာဲဂှ် ဒိုအ်တုဲ ကၠဵုဂှ်သမ္တီဒး ဂြိုပ်တိုန်အာလ္တူကွဳစက်ကာ သီုမကိတ်လဝ်ဖျုန်မွဲထိုၚ်ဂှ်ရ၊
တၠဖျာဂှ်လေဝ် ဆဵုကၠဵုဂှ်မကၠောန်သ္ပသာ်ဂှ်တုဲ မေၚ်ထိုၚ်သးဗွဲမလောန် ညးတေံလေဝ်လေဝ်ဗက်တိုန်အာလက္ကရဴကၠဵုဂှ်ကီုရ၊ ဂွံၜိုတ်စှ်မိဏေတ်ဂှ် ကွဳစက်ဒိုအ် ကၠဵုဂှ်လေဝ် စှ်ေနူကွဳစက်ကာဂှ်တုဲ ကွာ်လုပ်အာဍာန်သ္ၚိတၠညးတေံရ၊ ကာလစိုပ်ဂတပါၚ်တြၚ်တၠညးတေံဂှ် ပါၚ်တြၚ်မ္ၚးဂတမုက်သ္ၚိကၟာတ်ဒၟံၚ်တုဲ ကၠဵုဂှ်ကဳတိုန်ၜါလတုန်ဗက် တၠသ္ၚိဂှ်တိတ်ကၠုၚ်တုဲ ဓဝါဲဂှ် တၠသ္ၚိရပ်နၚ်သီုလိမွဲတၞုၚ် တက်စုတ်ကၠဵုနကဵုဒေါသကာတ်သကာတ်ရ။
တၠဖျာ မဗက်ကၠုၚ်လက္ကရဴကၠဵုဂှ်ဆဵုကေတ်ဂတမတ်ဇကုတုဲ အေၚ်ဟွံမာန် လုပ်ဟီုကဵုတၠကၠဵုဂှ်ရ၊ "ဟေအနာဲ မုပဂွံတက်ကၠဵုဂှ်ရော? ကၠဵုဏံ ဍိုဟ်ကေက်စဳကၠးကွေံကွေံဗီုဏံဂှ် အဲမွဲအလန်ဟွံကေၚ်ဆဵုဏီပုဟ်" ၊ ဓဝါဲဂှ် တၠကၠဵုကလေၚ်ဟီုကဵုတၠဖျာဂှ်တှ်ေ "မုပဇကုဂွံတီ ကၠဵုဏံစဳကၠးဍိုဟ်ကေက်ဂှ်ရော? အရိုဟ်အရိုဟ်တ္ၚဲတှ်ေ ကဵုဍေံအာရာန်ဖျုန်မ္ဂး ဍေံကေတ်ဏာကောန်ကသအ်တွဵုရ၊ တ္ၚဲဏံ ဍေံဝိုတ်အာကောန်ကသအ်တုဲ အဲဒးပံက်တြၚ်ကဵုဍေံဂှ် ဇကုဟွံဆဵုဟာ_ဍိုဟ်ကေက်ဒၞာဲလဵုရော" အုပ်နိဂီု ။
−−-----
ဗဟုသုတဏံဝွံ ကဵုအဓိပ္ပါယ်ကဵုပိုဲကောန်ဂကူတအ်ခိုဟ်မွဲဟီုဂှ်တှ်ေ "ညးတၞဟ်ရံၚ်ပိုဲဏံ စောန်ဍိုဟ်ကေက်ဂလိုၚ်လဵုကီုလေဝ် ဟွံပေၚ်စိုတ်နာဲတၠ သေဌဳပိုဲဏီဖိုဟ်ဏောၚ်၊ ဟိုတ်ဂှ်ရတှ်ေ ပိုဲစောန်ၜိုတ်လဵုလေဝ် ယဝ်ရဒးမံၚ်နွံဒၟံၚ်သၟဝ်တဲညးဏောၚ်တှ်ေ ပိုဲဏံဂှ် ဒးဒှ်ဒၟံၚ်ဍိက်ညး ၂၄ နာဍဳဟေၚ်" ။ (လိက်ချူလဝ်တြေမ် က​လေၚ်ပတိုန်တၟိ)
👇
play stoe−https://play.google.com/store/apps/details...
📕
Application website - မွဲနဲပၠန်ဂှ်တှ်ေ
apk သွက်ဖုၚ် Android တံတှ်ေ တံၚ်ပတိုန်စုတ်ပ္ဍဲဖုၚ်ညိ။
https://app.box.com/file/971542165210...
📒
သွက် ios - Windows - iPad - iphone - tablet တၞဟ်တၞဟ်တအ်ဂှ်တှ်ေ လုပ်ပံက်ကေတ်တိုက်ရိုက် Application website ဏံညိ။
https://sites.google.com/.../13jk9kcdHxIoapwyHPotX0I.../edit