စှ်ကုသဵုခိုဟ် ဟိုတ်ဂွံဗြဴဗျုဗျု
စှ်ကုသဵုခိုဟ် ဟိုတ်ဂွံဗြဴဗျုဗျု - (ဗဟုသုတဗှ်ဝေၚ်)
🙂
၁။ ကုသဵုခိုဟ်ဂွံဗြဴဗျုတုဲ --- အခိၚ်ထေဲတိုန်ဟွံလအ်ဂှ်ဟေၚ် ညးကလေၚ်သမ္တီဟွံဒးဂှ် နူကၠၚ်ထေဲလဝ်ညးသ္ကံတုဲ ညးဝိုတ်စလောဲလောဲအာဟဂှ်။
၂။ ကုသဵုခိုဟ်ဂွံဗြဴဗျုတုဲ --- ခရိတ်ကပေါတ်ဂဇေအ်ဟွံအိုတ်ဂၠိုၚ် ဟွံတုပ်ညံၚ်ကဵုဗြဴဝုတ်ဍောတ်ဍောတ်ကျေဝ်ကျေဝ်တံဂှ်ရ၊ ဟိုတ်ဗြဴဗျုတုဲ မုက်မတ်လေဝ်ဟွံဒးပယျေဝ်စကွေံ၊ ဗွဲမဂၠိုၚ်မံၚ်ပ္ဍဲသ္ၚိသၟးရဂၠိုၚ်တုဲ ဂွံအာကြေဝ်ထ္ၜးစကဵုညးတၞဟ်ဗီုဗြဴဝုတ်ဝုတ်တံဂှ်ဟွံမွဲ။........................................
စှ်ကုသဵုခိုဟ် ဟိုတ်ဂွံဗြဴဗျုဗျု - (ဗဟုသုတဗှ်ဝေၚ်)
🙂
၁။ ကုသဵုခိုဟ်ဂွံဗြဴဗျုတုဲ --- အခိၚ်ထေဲတိုန်ဟွံလအ်ဂှ်ဟေၚ် ညးကလေၚ်သမ္တီဟွံဒးဂှ် နူကၠၚ်ထေဲလဝ်ညးသ္ကံတုဲ ညးဝိုတ်စလောဲလောဲအာဟဂှ်။
၂။ ကုသဵုခိုဟ်ဂွံဗြဴဗျုတုဲ --- ခရိတ်ကပေါတ်ဂဇေအ်ဟွံအိုတ်ဂၠိုၚ် ဟွံတုပ်ညံၚ်ကဵုဗြဴဝုတ်ဍောတ်ဍောတ်ကျေဝ်ကျေဝ်တံဂှ်ရ၊ ဟိုတ်ဗြဴဗျုတုဲ မုက်မတ်လေဝ်ဟွံဒးပယျေဝ်စကွေံ၊ ဗွဲမဂၠိုၚ်မံၚ်ပ္ဍဲသ္ၚိသၟးရဂၠိုၚ်တုဲ ဂွံအာကြေဝ်ထ္ၜးစကဵုညးတၞဟ်ဗီုဗြဴဝုတ်ဝုတ်တံဂှ်ဟွံမွဲ။
၃။ ကုသဵုခိုဟ်ဂွံဗြဴဗျုတုဲ --- ခရိတ်ရာန်ကယျိုၚ်ကယျဝ်ဂၞိန်ပဠောအ်ဟွံအိုတ်တုပ်ညံၚ်ကဵုဗြဴဝုတ်ဍောတ်ဍောတ်တံ၊ ဗြဴဝုတ်ဝုတ်တံဂှ်တှ်ေ ဗက်အခေတ်ဂၠိုၚ်တုဲ မုယာတ်တိတ်တၟိရောတှ်ေ ဒးရာန်ဏောၚ်တွဵု၊ ဂၞိန်ယာတ်ပဠောအ်တံပၠန်လေဝ် ဒးဇိၚ်ၜတ်ကေတ်မှလတက်ဒးဂစပ်မာန်၊ ဟွံတုပ်ကဵုဗြဴဗျုဗျုတံတုဲ ဗြဴဗျုဗျုတံဂှ် ယဝ်ရာန်ပဠောအ်မ္ဂးတှ်ေ ရုဲကေတ်ပဠောအ်သၠဲသၠဲ ကြေပ်ကြေပ်ဟွံကေတ် ဖေက်လတက်တုဲယီုဂြေက်ယီုဟွံဖဲ၊ ဟွံကျေဝ်ဟွံဂွိၚ် အခိၚ်စလေဝ်ဖေက်ဟွံသၠဲလးမာန်၊ ဗြဴဗျုရာန်ပဠောအ်မွဲအလန်တှ်ေ ရာန်လဝ်မွဲကဳလိုဝ်စှ်ၜါဂတှ်ေ၊ ရုဲရာန်လဝ်ဇၞော်ဇၞော်သၠဲသၠဲဒုတ်ဒုတ်တုဲ အတိုၚ်မွဲၜါသၞာံ လတက်ဂွံသီုဗ္တံသီုတ္ၚဲမာန်၊ လဆောဝ်တှ်ေ နူၚုဟ်ကတဵုဗက် လတက်လဝ်မွဲကယျိုၚ်ဓဝ်လေဝ် ဂွံမံၚ်မွဲတ္ၚဲပေၚ်ပေၚ်။
၄။ ကုသဵုခိုဟ်ဂွံဗြဴဗျုတုဲ --- ဒၞာဲလဵုပိုဲအာလေဝ် ညးဗက်ပိုဲဟွံမာန််၊ ဟိုတ်နူညးကွာ်လေဝ်ဟွံခိုၚ်စကွေံ၊ ကွာ်လအ်လေဝ်ဇိုၚ်ကွိုၚ်ဂၞိၚ်ဂိ၊ ဟိုတ်သာ်ဏံဟေၚ် ညးဟွံဗက်ပိုဲ ဟွံတုပ်ကဵုဗြဴဍောတ်ဍောတ်ဝုတ်ဝုတ်တံ၊ ဗွဲမဂၠိုၚ်တှ်ေ ဗြဴဗျုမံၚ်ပ္ဍဲသ္ၚိရဂၠိုၚ်။
၅။ ကုသဵုခိုဟ်ဂွံဗြဴဗျုတုဲ --- ညးဟွံထုဲစကဵုပိုဲဏံကွေံကွေံ၊ လၟေၚ်လၟေၚ်တ္ၚဲဂှ်တှ်ေ ဂ္ဇံဟရေတ်ပေါတ်မံၚ်မုက်ဖုၚ်ဂှ်ကၠိုဟ်ကၠိုဟ်တ္ၚဲ၊ လဆောဝ်တှ်ေ တက်ဗီုရုပ်ညး selfie ကဵုတၞဴပ္ကဴအကြာသ္ၚိတုဲ သုၚ်စောဲ app ပဠေဝ်မုက်ကျေဝ်ဇိုတ်အရၚ်ဇိုၚ်စာၚ်လ္တူမုက်တုဲ ပတိုန်အကြီုထ္ၜးစကဵုသ္ကံရဲညးလ္တူ facebook တုဲတှ်ေ ဗဵုမံၚ်သ္ကဲရဲတံကဵု like ။
၆။ ကုသဵုခိုဟ်ဂွံဗြဴဗျုတုဲ --- ကမၠတ်ဒမၠမတာဟွံတိုန်သ္ၚိ၊ ဟိုတ်နူအခိၚ်ဗ္တံသ္ဂာတ္ၚဲလေဝ် ဗြဴဗျုတိက်ဟွံလှိၚ်တုဲ ကတဵုကွာ်မံၚ်ကၠိုဟ်ဗ္တံ၊ လဆောဝ်တှ်ေပံက်ပၟတ်သ္ၚိဍာ်၊ လဆောဝ်တှ်ေပံက်ကဠာဂံက်ဂံက်ဂၠာဲစစၞ၊ ကမၠတ်လဵုမွဲဂွံဂံၚ်တိုန်သ္ၚိဂှ်ရော။
၇။ ကုသဵုခိုဟ်ဂွံဗြဴဗျုတုဲ --- ဟွံဖေက်စိုတ်ညးဂၠာန်လ္တူဇကု၊ ဟွံတုပ်ကဵုဗြဴဝုတ်ဝုတ်ကျေဝ်ကျေဝ်တံဂှ် ဒၞာဲလဵုအာအာဂှ် ဗၠာဲဗၠာဲတံကၠတ်ဗဵုကအ်ဂၠိၚ်ညံၚ်ပံက်၊ လပါ်ဗြဴဗျုဏံပၠန်လေဝ် အဝဲတုပ်ကဵုညးတံဂှ်တှ်ေ ဗွဲမဂၠိုၚ်ဂှ် လ္ၚဵုဒှ်အာလကျာ်ဇၞော်လေဝ်နွံ၊ လ္ၚဵုဂှ်လုပ်အာခိုၚ်ကဠာတိက်ဟွံၚုဟ်လေဝ်နွံဗွဲမဂၠိုၚ်။
၈။ ကုသဵုခိုဟ်ဂွံဗြဴဗျုတုဲ --- နွံဆလောဲကဵုလောဲရ၊ အခိၚ်သိုၚ်သ္ၚိလေဝ် ညးဒးစိုတ်သ္ၚိမွဲထပ် သ္ၚိၜါထပ်ဂှ် ညးကွာ်တိုန်ဟွံမာန်၊ ဟွံတုပ်ကဵုဗြဴဝုတ်ဝုတ်တံ အခေတ်ပြိုၚ်ပ္ကာန်လပါ်သ္ၚိဌာန်တုဲ ဒးသိုၚ်သ္ၚိၜါပိထပ်မှ ဍေံတံပေၚ်စိုတ်ဂး၊ ဗြဴဗျုဏံသောၚ်မွဲဗီု သိုၚ်သ္ၚိလေဝ်ပရူပရာဟွံဂၠိုၚ်၊ စလေဝ်အောန်ကွေံကွေံ။
၉။ ကုသဵုခိုဟ်ဂွံဗြဴဗျုတုဲ --- ဆုတ်ဗြုထတ်ထတ်လေဝ်ဟွံပသ ဟိုတ်နူပ္ဍဲဗုၚ်ဂၞဴတေံစၞစနွံအောန်အမာဲဟွံထုဲနှဴတုဲ ဟွံတုပ်ကဵုဗြဴဝုတ်ဝုတ်ဍောတ်ဍောတ်တံ ဒးစိုတ်စမံၚ်စာၚ် KFC တံ (မူကထ)တံလၟိုန်တုဲ ဍေံတံဆုတ်ဗြုတိတ်သာသာလေဝ် ပသညံၚ်ကၠဵုချိုတ်နွံမံၚ်ပ္ဍဲဗုၚ်တေံ။
၁၀။ ကုသဵုခိုဟ်ဂွံဗြဴဗျုတုဲ --- မတ်ညးၜါလပါ်လေဝ်သဗုၚ်သပါကၠုၚ်တုဲ ပိုဲဏံကၠတ်ပၞုက်လဝ်လှုဲလေဝ် ညးဂၠာဲဟွံဆဵုလောဲလောဲ၊ ဟွံတုပ်ကဵုဗြဴဝုတ်ဝုတ်ဍောတဍောတ်တံ မတ်ကၠးမုဟ်ခိုဟ်ညံၚ်ကဵုကၠဵုဗၠာဲသၟိၚ်တံတုဲ ပၞုက်လဝ်ဂတာဗုၚ်ကွဳလိုန်ဓါတ်လေဝ် ဍေံဂွံကျာမတ်ကၠးခိုဟ်ကွေံ။
---
ဆဵုသေၚ်ဟာဟိုတ်ဂွံဗြဴဗျုဗျု ခိုဟ်မံၚ်ဗီုဏံဏောၚ်သွံဟာ၊ ညးလဵုဂွံဗြဴဗျုဗျုတံဂှ် မၚ်မွဲလဝ်ခိုဟ်ခိုဟ်အိုတ်ညိ၊ လ္ပကဵုဗၠးတိတ်အာနူတဲတွဵု ။....................................