စွံကဝေၚ် (ဝါ) ပံၚ်ဖက်သုၚ်စောဲဘဝစုံညးသ္ကံဂှ် ဍေံဟွံတုပ်
စွံကဝေၚ် (ဝါ) ပံၚ်ဖက်သုၚ်စောဲဘဝစုံညးသ္ကံဂှ် ဍေံဟွံတုပ် − (ဗဟုသုတဗှ်ဝေၚ်)
−
"ကဝေၚ်" ဟီုဂှ် စွံအာလ္ၚတ်အာညးသ္ကံ၊ ယဝ်ရဟွံကိတ်ညဳကွာ်အာမွဲဍာန်ဟွံဂွံတှ်ေဒးပြးတုဲ ဗီုညးဍာန်အဲဒးကွာ်ဆက်ဂၠာဲအာတၞဟ်တေံပၠန်ဂွံမာန်၊ ဆဂး သုၚ်စောဲဘဝစုံညးသ္ကံဂှ် ဒးဒှ်မၞိဟ်ပိုဲဏံဖျေံသ္ဂုတ်သွာန်ထပ်တဲမာန်၊ ပိုဲဒးဒိုအ်ပ္ဍဲမၞိဟ်ဂှ်ဇေတ်ဇေတ်တုဲ ပိုဲညးၜါဏံလေဝ် ဒးသၠးအခေါၚ်ညးသ္ကံလၟိုန်ကီု၊ ဆဵုပြသၞာအောန်ဂၠိုၚ်ၜိုတ်လဵုလေဝ် ညဳသာသှ်အာပြသၞာပ္ဍဲဂကောံအိန်ထံၚ် စဵုကဵုလအိတ်အာယုက်မာန်။................................................
စွံကဝေၚ် (ဝါ) ပံၚ်ဖက်သုၚ်စောဲဘဝစုံညးသ္ကံဂှ် ဍေံဟွံတုပ် − (ဗဟုသုတဗှ်ဝေၚ်)
−
"ကဝေၚ်" ဟီုဂှ် စွံအာလ္ၚတ်အာညးသ္ကံ၊ ယဝ်ရဟွံကိတ်ညဳကွာ်အာမွဲဍာန်ဟွံဂွံတှ်ေဒးပြးတုဲ ဗီုညးဍာန်အဲဒးကွာ်ဆက်ဂၠာဲအာတၞဟ်တေံပၠန်ဂွံမာန်၊ ဆဂး သုၚ်စောဲဘဝစုံညးသ္ကံဂှ် ဒးဒှ်မၞိဟ်ပိုဲဏံဖျေံသ္ဂုတ်သွာန်ထပ်တဲမာန်၊ ပိုဲဒးဒိုအ်ပ္ဍဲမၞိဟ်ဂှ်ဇေတ်ဇေတ်တုဲ ပိုဲညးၜါဏံလေဝ် ဒးသၠးအခေါၚ်ညးသ္ကံလၟိုန်ကီု၊ ဆဵုပြသၞာအောန်ဂၠိုၚ်ၜိုတ်လဵုလေဝ် ညဳသာသှ်အာပြသၞာပ္ဍဲဂကောံအိန်ထံၚ် စဵုကဵုလအိတ်အာယုက်မာန်။
"ဘဝစုံဟီုဂှ်" − ဒးရုဲဂၠာဲကေတ်မၞိဟ်ပိုဲဏံပံက်ဖက်အာမွဲစွံတုဲ ဒှ်သွက်ဘဝဒးနွံကဵုပွမတဴတက်လပါ်စိုတ်ကေုာံ အရာမကၠိုဟ်စိုတ်သွက်ဘဝ သာ်ဏံဗွဲတုန်။
"ဘဝစုံဟီုဂှ်" − ညးၜါညဳသာ ဒှ်တဴမွဲကသပ်မွဲဂၞန်တုဲ ဒးနွံကဵုဓဝ်အေၚ်ဒုၚ်ညးမွဲကေုာံညးမွဲကီု၊ ယဝ်သာ်ဏံဟွံသေၚ်တှ်ေ ဒှ်အာ (ကုသဵုအဲပရေံကွေံ ဟိုတ်ဂွံစၝ၊ ကုသဵုအဲပရေံကွေံ ဟိုတ်ဂွံစၝုဲ) ဒှ်ကၠုၚ်သာ်ဏံမာန်တှ်ေ ပ္ဍဲသ္ၚိဂှ်ဂှ် ဟွံတၞဟ်ခြာအာကဵုကတိုၚ်နရက်ဂျိုၚ်ဂျိုၚ်ဏောၚ်။
"ဘဝစုံဟီုဂှ်" − တက်ကျာညးသ္ကံဂွံဇၟာပ်ပြသၞာမာန်ကီုတုဲ ဒှ်သွက်ညးၜါဂွံကၠိုဟ်စိုတ်ညးသ္ကံကီု၊ ပြသၞာသွက်ဘဝလၟေၚ်လၟေၚ်တ္ၚဲတံဂှ်လေဝ် ညံၚ်ဟွံမွဲမာန်၊ ပ္ဍဲအခိၚ်တြုံဗြဴညးၜါပံက်သြိုဟ်တက်ကျာဇၟာပ်ပြသၞာဂွံယျဏောၚ်တှ်ေ အာဂတနူဏံလေဝ် ယဝ်ပြသၞာလဵုမွဲလုပ်စိုပ်ကၠုၚ်ပ္ဍဲဂကောံအိန်ထံၚ်မ္ဂးတှ်ေ ဗွဲမလောဲသွာဂှ် ညးၜါကေတ်ကသပ်အရာလဵုဒှ်ဖဵုခိုဟ် ဗီုလဵုဂွံသှ်ပြသၞာတံဂှ်ရောတှ်ေ အိန်ထံၚ်ဂှ် နွံဆတသိုက်သက်သက်ရဏောၚ်။
"ဘဝစုံခိုဟ်ဟီုဂှ်" − ဒးစွံၚုဟ်မးညးလ္တူအဲ−အဲလ္တူညးမာန်တုဲ ဒးရှ်ေသှ်ေအခေါၚ်ညးမွဲကဵုမွဲ ပွမဖျေံသ္ဂုတ်သွာတ်တာလျိုၚ်နာနာဂှ်လေဝ် အခေါၚ်ညးကဵုညးဒးနွံညိ၊ ညံၚ်ရဴမၞိဟ်တြုံဂၠာဲအှော် မၞိဟ်ဗြဴဍုန်တိုပ်ပုၚ်သွ သာ်ဏံဗွဲတုန်။
"ဘဝစုံခိုဟ်ဟီုဂှ်" − ဒးသိုၚ်မာန်ပတိုန်ဒၟံၚ်လအီညးသ္ကံမာန်−ဂၠိုၚ်နူပွမဒးဗဂူဖျေံဗြဲဍာ်ရမတ်။
"ဘဝစုံခိုဟ်ဟီုဂှ်" − ဗိုၚ်ကူချပ်ဂၠာဲဟိုတ်ဖဵုခိုဟ်ခိုဟ်မာန်တွဵု၊ ဗိုၚ်ရီုဗၚ် ဗီုသိုၚ်မာန်ပတိုန်အရာခိုဟ်ခိုဟ်သွက်ဘဝလၟိုန်။
"ဘဝစုံခိုဟ်ဟီုဂှ်" − လဆောဝ်တှ်ေ ဒၞာဲဗၠေတ်ဗၠန်ခလပ်အာလေဝ်နွံတုဲ ဒးသၠးအခေါၚ်ညးသ္ကံမာန်၊ အခိၚ်တီဗၠေတ်မှာအာတုဲ ဒးကလေၚ်ကေတ်တာလျိုၚ်ပြဟ်ပြဟ်ဟေၚ် ဗွဲတၟေၚ် ဒးကလေၚ်ပဠေဝ်ထောံလဝါဲဂှ်မာန်။
"ဘဝစုံခိုဟ်ဟီုဂှ်" − ညးမွဲကဵုမွဲ ပွမဟီုဂးတက်ကျာ ကေုာံပွမချပ်တံဂှ်လေဝ် ထေက်ကဵုဒးညှာစိုတ်ညးသ္ကံလၟိုန်ညိ။
"ဘဝစုံခိုဟ်ဟီုဂှ်" − ကၠောန်ဗဒှ်ကဵုညးမွဲလပါ် ပေၚ်စိုတ်ဖဲစိုတ်ဒၟံၚ်လၟိုန်၊ လညာတ်လပါ်လက်သဏ်အနုက်(−)တံဂှ်လေဝ်ဟွံမွဲ၊ သွက်ဂွံဂၠာဲဒုဟ်ဒဏ်ညးသ္ကံဂှ်လေဝ် ဟွံမံက်ကၠုၚ်ပ္ဍဲစိုတ်။
"ဘဝစုံခိုဟ်ဟီုဂှ်" − အခိၚ်ဟီုအရေဝ်တက်ကျာဂှ်လေဝ် ဒးရှ်ေသှ်ေညးသ္ကံလၟိုန်ကီုတုဲ ဟွံဟီုဗဒှ်သွက်ညးမွဲလပါ်ဂှ် ဒးဂိသကေဝ်ဒှ်အာပၞေတ်သရပ္ဍဲစိုတ်ဂှ်မာန်။
"ဘဝစုံခိုဟ်ဟီုဂှ်" − ၜိုန်ဂွံဆဵုညးသ္ကံဟွံလောဲသွာကီုလေဝ် ပ္ဍဲအခိၚ်ပိုဲတံဂၠာဲဟွံဆဵုဏီတှ်ေ ဒြဟတ်လ္ပယအ်ဆက်ဂၠာဲအာတုဲ စိုပ်မွဲတ္ၚဲအခိၚ်ပိုဲဆဵုဏောၚ်တှ်ေ သွက်ဘဝအုပ်နိဂီုစုံဏံရတုဲ ဟွံဒးဂၠာဲသၠာဲအာပေၚ်ပြး ဗီုစုံအိန်ထံၚ်ညးတၞဟ် ဗီုပိုဲဆဵုမံၚ်လၟေၚ်လၟေၚ်တ္ၚဲဂှ်ရ။
အိုတ်ကၞောတ်နိဂီုဏံဂှ်တှ်ေ ဇၟာပ်ညးအဲလေဝ် ပိုဲဏံဒးသ္ပဇကုပိုဲဏံ ဒးဒှ်မၞိဟ်ခိုဟ်ခိုဟ်မွဲတုဲ ဒှ်သွက်ဂွံတံၚ်ဂြဲနၚ်မၞိဟ်အဃောမဂၠာဲဒၟံၚ်ဘဝစုံတံဂှ်မာန်ရ၊ အခိၚ်ပိုဲဆဵုယျတုဲတှ်ေ ပိုဲဏံဒးမၚ်မွဲရံၚ်စံၚ်ညးသ္ကံကဵုခိုဟ်တုဲ ဆာန်အာညးသ္ကံ မၚ်မွဲလွဳပရာအာမပ္တံယဲဍောတ်ယဲဇၞော် စဵုဇုတ်စိုပ်တိညိ။
ဘဝနွံဆၜိုတ်ဏံရတုဲ ယဝ်ရပိုဲဂၠာဲဓဝ်ညိၚ်ဝတ်ဆဵုတှ်ေ ဍုၚ်သွဝ်ဟီုဂှ် နွံဒၟံၚ်လ္တူလိုက်ဏံရ၊ လဆောဝ်တှ်ေ နရက်ဂှ်လေဝ် ပါနှဴထုဲမံၚ်ပ္ဍဲလိုက်ဏံတုပ်တုပ်ကီု၊ ဣဏံဟီုဂှ် လ္ပပတေဟ်ကုသဵုအတိက်သၟးတုဲ မဟီုလဝ်ဗွဲလ္တူတေံဖအိုတ်ဂှ် ညးလဵုဖန်ဗဒှ်လဝ်ဍေံရောတှ်ေ နွံဆပိုဲဏံစပ္တံမာန်ကၠောန်ကေတ်ဍေံသက်သက်ဟေၚ်။