နာဲဆာန်မန်
နာဲဆာန်မန်ဝွံ ပ္ဍဲသက္ကရာဇ် -၁၂၇၀ သၞာံ၊ ဂိတုက္ထိုန် (၁၃)မံက်၊ တ္ၚဲအၚာကတဵုဒှ်မၞိဟ် ပ္ဍဲထံၚ်ကှ်ေ၊ ကွာန်ကၟာဝက်ရ၊ မအံက် နာဲကံၚ် မိအံက် မိဣထာ၊ ကောန်ဇာတ်ညးနွံ(၄)ဂှ် နာဲထောန်စိၚ်၊ နာဲစိၚ်လောန်၊ နာဲအသိၚ်၊ နာဲဆာန်မန်မဒှ်ရ၊၊
နာဲဆာန်မန်ဝွံ ပ္ဍဲသက္ကရာဇ် -၁၂၇၀ သၞာံ၊ ဂိတုက္ထိုန် (၁၃)မံက်၊ တ္ၚဲအၚာကတဵုဒှ်မၞိဟ် ပ္ဍဲထံၚ်ကှ်ေ၊ ကွာန်ကၟာဝက်ရ၊ မအံက် နာဲကံၚ် မိအံက် မိဣထာ၊ ကောန်ဇာတ်ညးနွံ(၄)ဂှ် နာဲထောန်စိၚ်၊ နာဲစိၚ်လောန်၊ နာဲအသိၚ်၊ နာဲဆာန်မန်မဒှ်ရ၊၊
ရေၚ်တၠုၚ်လဝ်ပရေၚ်ကောန်ဂကူ
သက္ကရာဇ်ဍုၚ်-၁၃၀၇ သၞာံ (၁၉၄၆) သၞာံ၊ ဂိတုက္ထိုန်(၅)မံက်၊ ပံက်တိုန်ဂကောံ(မန်ကောန်ဍုၚ်အရၚ်)ဂှ် ကျာ်ဇၞော်ကုသလဂှ်နာယက၊ အ္စာဖဵုချဵုဂှ် ဥက္ကဌ၊ နာဲဆာန်မန်ဂှ် ညးရေၚ်တၠုၚ်ဖဵု၊ နာဲဆာန်မန်ဂှ် ညးလလောၚ်တြး နကဵုဘဝခၟဳ (ဂဥုပ်ဌာနဂှ် စွံလဝ်ပ္ဍဲဘာယျေတာယှေ)ရ၊၊
ပ္ဍဲသက္ကရာဇ်ဍုၚ် -၁၃၀၉ သၞာံ၊ ဂိတုဘတ်(၉)မံက်ဂှ် တ္ၚဲအဒိုတ်ဂှ် (ဗော်ကောန်ဍုၚ်အရၚ် ) က္ဍိုက်က္ဍိုပ်တုဲ ကၠောန်ဗဒှ်သဘၚ်သဳကၠဳဇၞော် ပ္ဍဲကွာန်ကၟာဝက် ဒၞဲါဘာဗ္တောန်လိက်ဗၟာပွိုၚ်(၂)တ္ၚဲရ၊ နူဍုၚ်လ္ဂုၚ်တေံ ကျာ်ဇၞော်ကုသလ၊ နာဲဆာန်မန်၊ အ္စာဖဵုချဵုဒှ်တမ် က္ဍိုပ်သ္ကိုပ်ဆာန်ဂကူဂမၠိုၚ် စှ်ေကၠုၚ်သဘၚ်သဳကၠဳဂှ် နကဵုဂကောံဝုတ်ဗၠာဲဂမၠိုၚ်ဒုၚ်တၠုၚ် သၠိုက်ပ္ကဴဂြုဂြုဂြ်ီုဂြီုတုဲ လုပ်အာပ္ဍဲဘာတိုက်တၟိ သ္ပဝတ်ကဵုကျာ်ဇၞော်အ္စာစန္ဒောဘာသတုဲ တိုန်အာသဘၚ်သဳကၠဳဇၞော်ရ။
ပ္ဍဲသက္ကရာဇ်ဍုၚ်-၁၃၀၉ သၞာံ၊ ဂိတုက္ထိုန်(၄)စွေက်၊ ကာလကၠောန်ဗဒှ်သဘၚ်သဳကၠဳဇၞော် ပ္ဍဲကွာန်ဝါဍောတ်၊ တ္ကအ်ခၟိုၚ် သွက်ဂွံပစမတ်သမ္တီ တ္ၚဲကောန်ဂကူမန် ဂိတုမာ်မွဲစွေက်ဂှ် နာဲဆာန်မန်ဒှ်ညးရေၚ်တၠုၚ်ဖဵုဂကောံရ၊ ကျာ်ဇၞော်ကုသလဂှ် ဒှ်နာယက၊ အ္စာဖဵုချဵုဂှ် ဒှ်ဥက္ကဌ၊ နာဲဖဝ်အံၚ်ကွာန်ဝါဍောတ်ဂှ် ဒှ်သဘာပတိဇၞော် (ဒၞဲါကောံဂှ် ပ္ဍဲရုၚ်ပေဲါရုပ်ဂမျိုၚ် ဂွံဂိုၚ်သမ္တီလဝ်ရ၊၊
ပ္ဍဲသက္ကရာဇ်ဍုၚ်-၁၃၀၉ သၞာံ၊ နာဲဆာန်မန် မွဲဟာန်ကေုာံက္ဍိုပ်သ္ကိုပ်(ဗော်ပၠတရဴမန်) တိတ်ဂြိပ်ရပ်လွဟ်နဒဒှ်သၟာပၠန်ဂတးဗၠးၜးကောန်ဂကူမန်ဗၞတ်(၁၀)သၞာံ (နကဵုတာလျိုၚ်ညးအုပ်ကာနာနာ ပ္ဍဲဗော်ပၠတရဴမန်ရ) ပ္ဍဲသက္ကရာဇ်ဍုၚ် -၁၃၂၁ သၞာံဂှ် လုပ်ကၠုၚ်ပ္ဍဲသၞောဝ်တုဲ ဒုၚ်ရုဲမာဲနဒဒှ်အမာတ်မန် ပ္ဍဲဍုၚ်မတ်မလီုရ။
"ပ္ဍဲသက္ကရာဇ်ဍုၚ် -၁၃၂၃ သၞာံ ၁၉၆၂သၞာံ ၊ ဂိတုမာ်(၁၀) စွေက်ဂှ် ဒပ်ပၞာန်နေဝေန်တံ သီထောံအဝဵု အလဵုအသဳ (နာဲနု) တုဲ၊ နာဲဆာန်မန်လေဝ်ဒးဒုၚ်ရပ်စုတ်ထံၚ်ပ္ဍဲဍုၚ်မတ်မလီု ကရောမ်က္ဍိုပ်သ္ကိုပ်မန်ဂမၠိုၚ်ရ။ ဒးဒုၚ်ထံၚ်ပွိုၚ် (၁၀) သၞာံတုဲ၊ ပ္ဍဲသက္ကရာဇ်ဍုၚ် (၁၃၂၅) သၞာံ၊ (၁၃၃၅) သၞာံ၊
(၁၉၆၃ ၁၉၇၃) သၞာံဂှ် ဗၠးတိတ်နူထံၚ်တုဲ လုပ်ကေလာန်ကမၠောန်ကောန်ဂကူပၠန်ရ။
ဃောကၠောန်မံၚ်ကမၠောန်ကောန်ဂကူဂှ် ပ္ဍဲသက္ကရာဇ်ဍုၚ် ၁၃၅၅ သၞာံ၊ ၁၉၉၃ သၞာံ၊ ဂိတုဝှ် (၁၃)မံက်ဂှ် ဂွံအယုက် (၈၅)သၞာံ စုတိအာပ္ဍဲဍုၚ်လ္ဂုၚ်ရ။
ဗီုရုပ် ကေုာံ အတ္ထုပတ္တိ
ကူချာဲနၚ်နူ ဍုၚ်ကၟာဝက် မုက်လိက်ဝဳကဳပဳဒိယျာတေံရ။